Charter Document - 02370629
| Charter Number: | 02370629 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Hub[ertus] dei gratia Cantuariensis archiepiscopus salutem in domino Noverit universitas vestra Ricardum illustrem regem Angi in presentia nostra et coepiscoporum nostrorum et multorum aliorum magnatum et fidelium suorum concessisse et in puram et liberam et perpetuam elemosinam dedisse domui hospitalis sancte Marie de Strodes duas partes bosci iuxta Mallinges qui pertinebat ad manerium de Aillesford per se dividendas liberas et quietas ab omni servitio et seculari demanda Cuius donationem tam piam et honestam grato prosequentes assensu ipsam auctoritate nostra et sigilli nostri munimine duximus roborandam Testibus hiis Gileberto Roffensi episcopo Waltero abbate de Waltham magistro Ricardo cancellario nostro Rannulfo thesaurario Saresberiensi Wimundo subdecano Saresberiensi magistro Simone de Scalis magistro Willelmo de Neketon magistro Willelmo de Kalna Simone de Camera Iohanne de Brancestr Willelmo de Warenna Willelmo de Glanvill Thedbaldo Waltero et multis aliis