Charter Document - 02370621
| Charter Number: | 02370621 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1195 |
| Date type: | Assigned |
| Resource Link(s): |
|
Charter:
Hub[ertus] dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in domino Cum deceat nos ea que ab aliis rationabiliter facta sunt nostre auctoritatis munimine roborare ea que a nobismetipsis in inferiori dignitatis gradu constitutis secundum equitatem facta fuerunt nostra debemus auctoritate multomagis confirmare Eapropter ad universitatis vestre noticiam volumus pervenire quod nos ratam habemus et presentis carte munimine confirmamus confirmationem quam cum Saresburiensem episcopatum administraremus fecimus super donatione quam Willelmus de Stutevill fecit dilecto filio nostro fratri Godardo anachorite et aliis post eum ibidem deo servientibus de heremo sancti Leonardi super Lodenam cum omnibus pertinendis prout ipsius donatoris carta testatur Quod ut maiori gaudeat testimonio et firmitate sigillum nostrum duximus apponendum et scriptum istud testium subscriptione muniendum Hiis testibus magistro Ricardo cancellario magistro Godefrido de Insula magistro Willelmo de Neketun magistro Willelmo de Sumercot Simone clerico et aliis