Charter Document - 02370600
| Charter Number: | 02370600 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1205 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit eternam in domino salutem Ad universitatis vestre notitiam volumus pervenire nos ratam et gratam habuisse donationem quam venerabiles predecessores nostri Radulphus Willelmus Ricardus et Baldewinus fecerunt et cartis suis confirmaverunt ecclesie Sancte Osithe de Chiche et canonicis ibidem deo servientibus de ecclesia de Petham et omnibus ad eam pertinentibus in terris decimis et aliis quibuscunque obventionibus sicut in eorundem predecessorum nostrorum autenticis continetur expressum eodemque modo quo iidem predecessores nostri concesserunt eis ecclesiam ipsam cum omnibus pertinentiis suis concessisse imperpetuum et presenti carta nostra confirmasse salva Radulpho eiusdem ecclesie perpetuo vicario quamdiu vixerit tali vicaria sua qualem predictus Baldewinus predecessor noster ei in eadem ecclesia assignaverat et carta sua confirmaverat ad quam cum primo per abbatem et canonicos prefate ecclesie Sancte Osithe non fuisset prout decuit presentatus postmodum facta predicte vicarie resignatione per eosdem fuit nobis canonice ad eandem presentatus et a nobis admissus et salva post eiusdem Radulphi decessum honesta sustentatione vicarii ad eorundem abbatis et canonicorum presentationem a nobis ibidem instituendi Ut igitur hoc in posterum nulli veniat in dubium immo ratum permaneat et inconcussum in huius rei testimonium ac firmamentum sigillum nostrum scripto presenti duximus apponendum Hiis testibus Henrico archidiacono Cantuariensi magistro Simone de Sywell thesaurario Lichefeldensi magistro Iohanne de Tinemu magistro Willelmo de Sumercot magistro Gervasio de Hobrug magistro Iohanne de Colchestr magistro Adam de Walsingham Iacobo Salvaugio et aliis multis