Charter Document - 02370594
| Charter Number: | 02370594 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1166 - 1167 |
| Date type: | Internal, Regnal |
| Resource Link(s): |
|
Charter:
Universis ad quos presentes littere pervenerint Hubertus dei gratia Cantuariensis archiepiscopus totius Anglie primas et apostolice sedis legatus eternam in domino salutem Volentes et desiderantes iustitiam et equitatem in fratribus nostris ubique vigere universitati vestre notum esse volumus quod cum dilecti filii monachi Roffenses ad nostras preces benigne adquieverint institutioni domini Stephani Ridel qua ipsum iam instituimus personam in ecclesia de Northflete utpote putantes eam ad nostram spectare collationem salvis eis semper decimis de nostro dominico et omnium villanorum qui habent terram in Dune et decimis maioribus et minutis Thome de Yfeld et decimis de Wenifall et de tenementis Nigelli et aliis decimis in parochia predicte ecclesie necnon et pensione sexaginta solidorum quam per manus predicti S annuatim percipient nos tandem legitimis indiciis advertentes ipsam ecclesiam ex donatione bone memorie Anselmi necnon Radulfi Willelmi Teobaldi Ricardi et Baldewini Cantuariensium archiepiscoprum concessione et confirmatione ad predictos monachos pleno iure pertinere ipsosque eam usque ad hec tempora in pace possedisse auctoritate Cantuariensis ecclesie cui divina miseratione presidemus decernimus et mandamus quod cedente vel decedente predicto S mox prefata ecclesia ad manus et possessionem predictorum monachorum integre revertatur et nichilominus supradicta pensio perseveret donec memoratam ecclesiam in usus suos nostro vel successorum nostrorum tempore sint adepti Ut autem hec rata et inconcussa permaneant presens scriptum sigilli nostri patrocinio roboramus Testibus hiis G priore Cantuariensi S Ridel magistro P Blesensi Symone de Suwelle Godefrido de Insula Iohanne de Tynemue Willelmo de Calnis et aliis Act anno primo regni Iohannis illustris regis Anglorum