Charter Document - 02370593

Omnibus sancte matris ecclesie filiis ad quos presens scriptum pervenerit Hubertus dei gracia Cantuariensis archiepiscopus tocius Anglie primas et apostolice sedis legatus eternam in domino salutem Quoniam ea que rite geruntur decrevit humana discretio scripto commendare ne tractu temporis a memoria hominum possint excidere ad universitatis vestre noticiam volumus pervenire quod cum monachi Roffenses post mortem Letardi clerici de Northflet accessissent ad nos per Radulfum priorem et quosdam de fratribus eiusdem ecclesie et nobis ad ecclesiam de Northfiet Adam rectorem ecclesie de Derteford presentassent et nos super hoc invenissent difficiles eo quod statim audita morte predicti L A eandem ecclesiam contuleramus domino S Ridel utpote credentes eandem ad nostram donacionem pleno iure pertinere tandem ad peticionem nostram institucioni eiusdem S adquieverunt et benignum prebuerunt assensum salvis sibi sexaginta solidis annuis ab eodem S persolvendis nomine annue pensionis ad quorum solucionem annuatim sine dificultate faciendam predictus S iuramento coram nobis prestito se fideliter obligavit salvis eciam eisdem monachis universis decimis quas in parochia de Northflet percipere consueverunt sicut in autentico scripto venerabilis R archiepiscopi quod inspeximus continetur quas exprimere ad maiorem predictorum monachorum securitatem dignum duximus Tercia scilicet garba omnium decimarum proveniencium de toto dominico nostro in Northflet et omnibus decimis tam minutis quam magnis provenientibus de domo et de toto dominico Thome de Yfeld exceptis duabus carratis bladi una scilicet de frumento et una de ordeo et de avena quas carratas ipse S Ridel in auctumpno percipiet singulis annis in tenemento eiusdem Thome secundum quod ordinatum est in predicto auctentico R predecessoris nostri Cedent eciam libere et sine omni molestia in usus monachorum decime de la Dune et decime de Wenifalle et de tenementis Nigelli et alie decime quas per loca diversa in parochia de Northflet ex collacione fidelium ab antiquo percipere consueverunt Et quoniam viris religiosis paterno affectu adesse tenemur et eorum perpetue paci et tranquillitati providere ne prenominatis monachis ex predicto facto nostro valeat inposterum preiudicium generari noverint universi quod nos inspectis cartis venerabilium predecessorum nostrorum Anselmi scilicet Radulfi et Willelmi necnon et Ricardi Baldewini archiepiscoporum cognito eciam iure predictorum monachorum per diligentem inquisicionem de consilio magnorum et prudencium virorum et assensu et voluntate G prioris et fratrum ecclesie nostre concedimus et confirmamus auctoritate Cantuariensis ecclesie monachis Roffensibus predictam ecclesiam de Northflet cum omnibus pertinenciis suis similiter et ecclesiam de Boxl cum omnibus pertinenciis suis quam habent ex dono Henrici regis primi ecclesiam quoque de Nortune cum pertinenciis suis ex dono Fulconis de Newenham et ecclesiam de Sturmuth cum pertinenciis suis ex dono Willelmi filii Hamonis et in predictis ecclesiis vicariorum presentacionem inperpetuum in cuius possessione a longissimis temporibus se fuisse publice dinoscitur Concedimus eciam et confirmamus eisdem monachis omnes redditus et omnes decimas a quibuscumque dei fidelibus usque in presens in archiepiscopatu nostro illis collatas decimam scilicet quam percipiunt in parochia de Gillingeham et decimam de Sreambroke in parochia de Clive decimam eciam de Ealdeham in parochia de Wroteham decimam quoque de Giddinges in parochia de Hese decimam de Hamwolde in parochia de Wednesberge decimam de Merile in parochia de Herietesham decimam de Buggelle in parochia de Boctune decimam de Benchesham in parochia de Croindene decimas eciam quas percipiunt in Dudindale in Stalesfeld in Bilsintun quarum quidem decimarum omnium libera perceptione et pacifica possessione a longissimis retroactis temporibus se gavisos fuisse in presencia nostra docuerunt tum carta bone memorie Baldewini predecessoris nostri in medium prolata tum aliis argumentis necessariis coram nobis exhibitis Volumus igitur et firmiter constituimus ut predicti monachi predictas ecclesias cum pertinenciis suis et predictas decimas et omnia alia beneficia in archiepiscopatu Cantuariensis ecclesie usque in presens adquisita ita pacifice inperpetuum possideant ita libere percipiant ut nullus omnino hominum super eisdem predictis monachis gravamen inferre presumat vel iniuriam Hanc igitur nostre concessionis et confirmacionis paginam ita volumus esse stabilem ut qui cognita veritate contra eam venire presumpserit iram eterni iudicis et indignacionem se noverit incursurum Et ut hec rata et inconcussa permaneant presens scriptum sigilli nostri testimonio duximus roborandum Hiis testibus G priore Cantuariensi magistro Petro Blesensi Stephano Ridel Galfrido de Boclande Ranulfo thesaurario Salesberiensi magistro Simone de Suthwell magistro Godefrido de Insula magistro Iohanne de Thinesmuth magistro Willelmo de Sumercote magistro Willelmo de Calna et multis aliis Acta apud Cantuariam anno primo regni regis Iohannis