Charter Document - 02370589
| Charter Number: | 02370589 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1195 - 1198 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas et apostolice sedis legatus universis Christi fidelibus ad quos presens scriptum pervenerit salutem in domino Ad omnium volumus noticiam devenire nos venerabilem fratrem nostrum G Roffensem episcopum prioremque et conventum ecclesie sancti Andree Roffensis ad personatum ecclesie sancte Marie de Nortona dei intuitu admisisse eosque in eadem ecclesia personam canonice instituisse ita quidem quod ipsi perpetuum aliquem vicarium in eadem ecclesia semper habebunt qui ecclesiam illam cum omnibus pertinenciis possideat et eis inde tantummodo viginti solidos nomine pensionis annuatim exolvat ad duos terminos scilicet ad Natale decem solidos et ad Nativitatem sancti Iohannis baptiste decem solidos Debet autem vicarius quicumque in eadem instituendus fuerit memoratis episcopo priore et monachis eligi et presentari et sic a nobis vel successoribus nostris in ecclesia illa perpetuus vicarius institui salva semper ecclesie Roffensi ea quam prediximus pensione Ut igitur hoc in posterum nulli veniat in dubium immo perpetuum optineat firmamentum presentis scripti serie et sigilli nostri appositione id testificandum duximus et confirmandum Hiis testibus Waltero abbate Sancte Crucis de Waltham Henrico archidiacono Cantuariensi Rannulfo thesaurario Saresberiensi Galfrido de Boer magistro Simone de Siwell magistro Godefrido de Insula magistro Willelmo de Sumercotes magistro Reinerio de Stanford magistro Elya medico magistro A de Walsingeham Iohanne de Sancto Edmundo Roberto de Brist Thoma de Brancestr et aliis