Charter Document - 02370586
| Charter Number: | 02370586 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1198 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presens scriptum pervenerit salutem gratiam et benedictionem Quecumque pietatis intuitu religiosis locis largitione regum sive principum seu quorumcumque fidelium oblatione sub nostra iurisdictione in usus divinos cessisse noscuntur dioecesani episcopi interveniente conniventia nostri est officii illa roborare et nostre auctoritatis munimine stabilire Inde est quod deo et beate Marie et ecclesie de Rading et dilectis nobis in Christo filiis abbati et monachis eiusdem loci omnes possessiones et omnia bona tam ecclesiastica quam mundana que gloriose memorie Henricus rex nobilissimus Rading ecclesie fundator primus eidem contulit ecclesie et carta sua confirmavit scilicet Rading in qua eorum constructum est monasterium cum ecclesiis et capellis eiusdem ville scilicet ecclesiam beate Marie parochialem cum capella omnium sanctorum cum omni alio iure suo et ecclesiam sancti Egidii cum omni integritate sua ecclesiam etiam de Pangeburn et ecclesiam de Benham et ecclesiam de Tigelhurst cum capella de Silamstede confirmamus et scolas de Rading et quatuor solidos de ecclesia de Suleham per annum et ii solidos de ecclesia de Purlee et tres marcas annuatim de ecclesia de Englefeld percipiendas et ecclesiam de Chausie et ecclesiam sancti Rumbaldi de Walingeford et ecclesiam de Weregrava et ecclesiam de Haneberga et ecclesiam de Stanton et ecclesiam de Eston et ecclesiam de Rochinton et omnes ecclesias et capellas de Berkelaihernes et ecclesiam de Eia et ecclesiam de Leomenistria tenenda cum omnibus predictis omni ea integritate libertate et pace qua eas umquam melius liberius ac quietius tenuerunt temporibus nostris aut predecessorum nostrorum Preterea quicquid in presenti canonice possident seu in futurum rationabilibus modis adipisci poterunt nos quoque autoritate nostra et scripti nostri testimonio confirmamus et inperpetuum possidenda concedimus Quicumque ergo adversus huius nostre confirmationis autoritatem venire et predictorum fratrum possessiones turbare vel inquietare temere presumpserit in districti iudicis examine omnipotentis dei maledictionem incurrat et iram Cunctis autem predictorum fratrum iura servantibus et eisdem bona facientibus sit pax et gratia domini nostri Iesu Christi hic et inperpetuum Amen