Charter Document - 02370585
| Charter Number: | 02370585 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 - 1198 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presens pagina pervenerit salutem gratiam et benedictionem Quotiens que iusta sunt postulamur ne bona desideria differre videamur moras ad concedendum facere nolumus Quocirca dilectorum nobis in Christo filiorum abbatis et monachorum de Rading precibus annuentes ecclesias de Tacham et de Bukildeberi cum omnibus pertinentiis suis cum eas vacare contigerit in usus pauperum hospitalis ante portam abbatie de Rading leprosorum languentium in villa peregrinorum et aliorum Christi pauperum inperpetuum eis concedimus et presentis carte nostre munimine confirmamus salva tamen sufficienti sustentatione vicariorum in predictis ecclesiis servientium Concedimus etiam eis et confirmamus ut omnes fructus et obventiones ecclesie sancti Laurentii de Rading in usus et necessitates predicti hospitalis convertantur ad sustentationem xiii pauperum qui ibidem pro salute anime nostre et antecessorum et successorum nostrorum necnon et domini Rannulfi de Glanvill et domine Berte uxoris sue qui nos educarunt et pro anima patris nostri et matris nostre et omnium parentum et benefactorum nostrorum perpetuo procurabuntur Si qua igitur ecclesiastica secularisve persona hanc nostre confirmationis paginam sciens infregerit aut contra eam temere venire presumpserit si non congrue emendaverit maledictionem dei incurrat et nostram Cunctis autem supradictorum pauperum Christi iura servantibus et eisdem bona facientibus sit pax et gratia domini nostri Iesu Christi hic et in eternum Amen