Charter Document - 02370576
| Charter Number: | 02370576 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1201 |
| Date type: | Internal, Regnal |
| Resource Link(s): |
|
Charter:
Omnibus [] Hubertus dei gratia Cantuariensis archiepiscopus totius Anglie primas W eadem gratia Londoniensis episcopus et B abbas de Stratford salutem in domino Noverit universitas vestra quod cum Hamo vicarius ecclesie de Duneschirch coram nobis auctoritate litterarum domini pape Innocentii decimas quasdam peteret a monachis de Pipewell scilicet decimas omnium terrarum quas idem monachi habuerunt et possederunt apud Causton et apud Duneschirch tertio non Iulii secundo anno pontificatus eiusdem domini pape quando littere ille fuerunt inpetrate necnon et in curia domini regis peteret ab eisdem monachis unam virgatam terre cum pertinentiis apud Duneschirch quas tam decimas quam terras ad ecclesiam de Duneschirch asseruit pertinere tandem inter utramque ecclesiam scilicet ecclesiam de Pipewell et ecclesiam de Duneschirch super utraque controversia talis conpositio intercessit Memoratus H de assensu Huberti Hose persone eiusdem ecclesie utrique liti mote tam super decimis quam super terra inperpetuum renuntiavit et eandem terram cum predictis decimis abbati et conventui de Pipewell consensu memorati Huberti persone eiusdem ecclesie concessit tenendas inperpetuum sub annuo censu xl solidorum ad duos terminos solvendorum scilicet ad festum sancti Michaelis xx solidos et ad pascha xx solidos Concesserunt quoque predicti abbas et conventus quod quicunque ecclesiam illam possideat habeat in pastura eorum de Caustona unam carucatam decem animalium cum suis pascentium et oves Si vero contingat quod idem monachi plus terre sibi adquirant in parochia eiusdem ecclesie de Duneschirch quam habuerunt quando hec conpositio facta fuit inde persolvent eidem ecclesie de Duneschirch plene et integre decimas suas bladi tantum sicut solverunt de duabus carucatis terre quas habent apud Thurlauston de quibus plene solvunt decimas bladi Hec autem conpositio ne videatur esse temporalis set perpetua inter ecclesias facta est et firmata Unde ut maiori firmitate gaudeat eam presenti scripto et sigillorum nostrorum appositione duximus communire Acta sunt hec anno secundo regni regis Iohannis in quadragesima presentibus viris venerabilibus M Wygorniensi []