Charter Document - 02370565
| Charter Number: | 02370565 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1195 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hubertus dei gratia Cantuariensis archiepiscopus totius Anglie primas apostolice sedis legatus salutem in domino Noverit universitas vestra nos cartam venerabilis fratris nostri H Wygorniensis episcopi sub horum verborum continentia inspexisse Universis sancte matris ecclesie filiis ad quos presens carta pervenerit Hernicus dei gratia Wygorniensis episcopus eternam in domino salutem Officii nobis iniuncti sollicitudo deposcit ut singulorum quos ditioni nostre noverimus esse suppositos ea qua poterimus cura medeamur inopie et eorum precipue quos ecclesie nostre devotos et regularis discipline iugo divine contemplationis intuitu noverimus oneratos Eapropter paupertati Persorensis monasterii compatientes deo et ecclesie sancte Marie et sancte Eadburge de Persora et Simoni abbati et sacro eiusdem loci conventui concedimus ut ecclesiam de Mathm ad procurationem eiusdem sacri conventus festivis diebus meliorandam cum ipsam vacare contigerit in usus proprios convertant salva tamen vicaria xl solidorum per nos vel successores nostros ad presentationem eorumdem monachorum alicui persone ydonee que eidem ecclesie de Mathm honeste deserviat conferenda Et ut hec nostra concessio memoratis monachis omni tempore rata et inconvulsa permaneat eam auctoritate episcopali et presenti carta sigilli nostri appositione munita duximus roborandam Hiis testibus magistro Willelmo de Tunebrug magistro Iordano de Wykewane magistro Willelmo de Chavelingewrth magistro Arnaldo de Bathonia magistro Willelmo de Quercu et multis aliis Nos autem memorati fratris nostri concessionem ratam habentes et gratam eam sicut rationabiliter facta est auctoritate qua fungimur confirmamus et presenti pagina cum sigilli nostri appositione communimus Hiis testibus []