Charter Document - 02370563

Omnibus Christi fidelibus ad quos presens scriptum pervenerit Hubertus dei gratia Cantuariensis archiepiscopus totius Anglie primas et apostolice sedis legatus salutem in domino Noverit universitas vestra nos cartam venerabilis fratris nostri H Wygorniensis episcopi sub istorum verborum continentia inspexisse Universis Christi fidelibus ad quos presens carta pervenerit Henricus dei gratia Wygorniensis episcopus eternam in domino salutem Ad universitatis vestre notitiam volumus pervenire nos divine pietatis intuitu ad instantiam venerabilis patris nostri H dei gratia Cantuariensis archiepiscopi totius Anglie primatis et apostolice sedis legati concessisse et presenti carta confirmasse dilectis filiis nostris Simoni abbati de Persor et sacro eiusdem loci conventui ecclesiam de Aldermoneston cum ipsam vacare contigerit ita quod licitum sit eis omnes fructus eiusdem ecclesie in usus proprios convertere salva vicaria solidorum per nos vel successores nostros memorate ecclesie de Aldermoneston vicario ad presentationem predictorum monachorum assignanda Et ut hec nostra concessio et confirmatio iamdictis monachis de Persor rata et inconvulsa inperpetuum perseveret eam presenti carta sigillo nostro munita roboravimus Supradictus vero Simon abbas Persorensis statim in presentia nostra memoratos prenominate ecclesie fructus ad necessaria invenienda monachis infirmis de Persor assignavit domino Cantuariensi et nobis assentientibus et ne alicuius malitia processu temporis infirmarie de Persor subtrahatur sub anathematis sententia interdicentibus Hiis testibus [] Nos autem quod a memorato fratre nostro gestum est ratum et gratum habentes illud sicut rationabiliter factum est auctoritate qua fungimur confirmamus et presentis scripti et sigilli nostri testimonio communimus Hiis testibus W archidiacono Rothomagensi magistro Simone de Siweir Gaufrido de Bocland et multis aliis