Charter Document - 02370538

Hubertus dei gratia Cantuariensis archiepiscopus totius Anglie primas sancte matris ecclesie filiis ad quos presens scriptum pervenerit aeternam in domino salutem Cum ad curam pastoralem pertineat antiqua Anglorum iura integra conservare nos eadem cura ecclesie nostrae de Mallinge providere volentes ut tenemur presenti scripto nostro statuere et concedere dignum duximus ut canonici eiusdem ecclesie qui tempore confectionis huius scripti ibidem residebant scilicet Henricus Baiocensis Henricus de Cruce Hugo de Petpont et Richardus de Umframvill prebendas suas et omnes possessiones prebendarum suarum in ecclesiis decimis pensionibus et in omnibus aliis rebus ad prebendas suas pertinentibus ita liberas integras et quietas in vita sua habeant et possideant sicut unquam tempore nostro vel temporibus predecessorum nostrorum eas liberius integrius quietius possederunt Nolumus enim ut per assignationem vel canonicorum institutionem ibidem faciendam tempore nostro vel alicuius successorum nostrorum predictis canonicis dum vixerint in aliquo preiudicetur vel ius eorum in aliquo minuatur scilicet sive in possessionibus sive in communis quas tempore huius confectionis habebant sive in aliquo alio set solis ipsis quatuor et successoribus eorum sicut antiquitus consueverunt singula obveniant nisi spontanea voluntate alios canonicos secum adiungendos in aequale recipere voluerint Sive ad communem portionem sive ad commune aliquid a nobis vel a successoribus de novo fuerit adiectum vel assignatum hoc secundum ordinationem nostram et successorum nostrorum percipient id omnes canonici communiter scilicet tam predicti quatuor quam alii a nobis vel successoribus nostris de novo instituendi si hoc omnibus communiter fuerit assignatum vel illi soli et quibus specialiter id curavimus assignare Concedimus quoque memoratis canonicis et presentium authoritate confirmamus omnes pensiones ecclesiarum suarum licitas et antiquitus eis debitas et omnes libertates et consuetudines ecclesie Mallinge quas ipsa ecclesia noscitur antiquitus habuisse necnon quecunque antecessores nostri archiepiscopi Cantuarienses eis canonice concesserunt et confirmaverunt Ut igitur hec nostra concessio et dispositio de eorundem canonicorum indempnitate provisa et facta tam nostris quam successorum nostrorum temporibus rate et inconvulse permaneant et presenti scripto et sigilli nostri munimine roborare dignum duximus et confirmare Hiis testibus magistro Simone de Sywell thesaurario Lichfeldensi magistro Ioanne de Tinem magistro Roberto Balbo magistro Richardo de Wilton magistro Michaele de Ringfelde Ioanne de Kent David de Rudeby Aron de Kent et aliis multis Facta est autem hec a nobis tam concessio quam confirmatio anno dominice incarnationis millesimo ducentesimo tertio tertio calend Martii apud Slindon