Charter Document - 02370530
| Charter Number: | 02370530 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1198 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit eternam in domino salutem Ad omnium volumus devenire notitiam nos scripta autentica bone memorie B predecessoris nostri et Ricardi quondam Coventrensis episcopi a dilectis filiis nostris canonicis de Lilleshull nobis exhibita inspexisse et ex eorum inspectione advertisse quod ipsi ratam habuerunt et auctoritate sua confirmaverunt donationem quam bone memorie rex Henricus eisdem canonicis de Lilleshull dei intuitu fecit et carta sua confirmavit super ecclesia sancte Marie de Lilleshull et super loco in quo ecclesia eorumdem canonicorum sita est et super ecclesia sancti Alcmundi de Salop cum omnibus pertinentiis suis in terris et ecclesiis et capellis et decimis et libertatibus et consuetudinibus et quietantiis suis et aliis sicut in eorum cartis continetur Unde nos confirmationibus eorum super memorata concessione et donatione regis H factis sicut in eorum scriptis continetur gratum ut decet prebentes assensum eas sicut rationabiliter facte sunt ratas esse volumus et ideo tam presentis scripti serie quam sigilli nostri appositione nostre auctoritatis robur eis impendimus Testibus hiis Galfrido de Bocland magistro Simone de Siwell magistro Willelmo de Somercotes Simone de Camera magistro Willelmo de Calna magistro Gervasio magistro Edmundo Iohanne de Brancestr Roberto de Brist et aliis