Charter Document - 02370525
| Charter Number: | 02370525 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1201 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine patris et filii et spiritus sancti amen Sciant tam presentes quam futuri quod cum orta est contentio inter dominum H abbatem Cluniacensem et H comitem Warennie super nominatione et institutione prioris Lewensis tandem mediantibus domino H Cantuariensi archiepiscopo et domino E Elyensi episcopo et domino G filio Petri tunc iusticiario Anglie de assensu utriusque partis presente domina Y comitissa Warennie in cuius hereditate fundata est domus Lewensis et tam illa quam W filio et herede suo consentiente sopita est eadem contentio postquam diu duraverat in hunc modum Vacante prioratu Lewensi cum nunciis comitis Warennie duo monachi Lewenses mittentur Cluniacum infra quindecim dies postquam contigerit prefatum prioratum vacare Abbas autem Cluniacensis cum consilio sui conventus bona fide et secundum conscientiam suam nominabit duos de ordine Cluniacensi quos magis idoneos crediderit ad administracionem domus Lewensis tam in spiritualibus quam in temporalibus exceptis duobus scilicet maiore priore Cluniaci et priore Karitatis in optione autem nunciorum comitis erit de duobus nominatis ab abbate ibi assumere quem maluerint qui eis sine dilatione tradetur in priorem Lewensem deducendus ad comitem et ecclesiam Lewensem et ab illis suscipiendus honorifice et sine difficultate Prior autem sic institutus per manum abbatis et ut dictum est a nunciis comitis assumptus liberam habebit administrationem in spiritualibus et temporalibus interius et exterius tam in instituendis quam in amovendis suppriore domus illius et prioribus cellarum et aliis obedienciariis et ministris ad eandem domum pertinentibus ita quod non poterit amoveri nisi meruerit ex manifesta et rationabili causa secundum regulam beati Benedicti Preterea abbas Cluniancensis non exiget de predicta domo nisi centum solidos nomine census annui nec aliquam ibi faciet exactionem Salva autem erit ipsi abbati Cluniacensi plene dignitas sua et auctoritas in disciplinis correptionibus et aliis spiritualibus ad ordinem Cluniacensem pertinentibus Hec autem omnia utraque pars bona fide et sine malo ingenio firmiter observabit in perpetuum Acta sunt hec apud Lamehe anno incarnationis domini mcci quarto idus Iunii coram predictis mediatoribus et per illos presentibus et testibus dominis W Londoniensi et G Roffensi et H Saresberiensi et M Wigornensi et Norwicensi episcopis et M de Certes et de Boxlee et de Fulger abbatibus et de Coventr et de Dovor prioribus comite Rogero Bigot Hugone Bardulf Willelmo Briwer Roberto filio Rogeri Galfrido de Say Willelmo de Warenn Huberto de Burgo camerario domini regis Radulfo de Plaiz Roberto de Perepont Ricardo Aguillun Roberto filio eius Waltero de Wancy Philippo de Burneham Waltero de Grandcurt et multis aliis