Charter Document - 02370518
| Charter Number: | 02370518 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1198 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas et apostolice sedis legatus omnibus Christi fidelibus ad quos presens scriptum pervenerit eternam in domino salutem Ad omnium notitiam volumus pervenire nos intuitu dei et ob favorem religionis concessisse dilectis filiis nostris canonicis de Ledes ecclesiam sancte Marie Magdalene de Stokingbury sicut Willelmus filius Heltonis quondam eiusdem ecclesie patronus ipsis eam primo concessisse dinoscitur et carta sua quam inspeximus confirmasse ipsosque canonicos in ea tanquam personam canonice instituisse ita quod ipsi de eadem ecclesia annuam unius marce percipient nomine personatus pensionem per manum perpetui vicarii per nos et successores nostros ad eorum presentationem in ea canonice instituendi Et ut hec nostra concessio et institutio perpetuam optineant firmitatem eas presenti scripto et sigilli nostri testimonio confirmare duximus et communire Hiis testibus Henrico Cantuariensi archidiacono Rannulfo thesaurario Saresberiensi Galfrido de Buklond magistro Simone de Siwell magistro Willelmo de Sumercotes magistro Willelmo de Calna magistro Willelmo de Neketon magistro A de Walsingham Ricardo de Ringested Roberto de Brist et aliis multis