Charter Document - 02370507
| Charter Number: | 02370507 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1199 |
| Date type: | Assigned |
| Resource Link(s): |
|
Charter:
H dei gratia Cantuariensis archiepiscopus totius Anglie primas dilectis in Christo filiis et amicis karissimis iustitiariis de banco Westmon salutem et sinceram dilectionem Noveritis quod Philippus molendinarius de Beringeton coram nobis dum iustitiarii eramus finem fecit cum dilecto nostro priore de Lanton domino suo cuius nativus erat ut liceret ei a terra sua recedere cum sequela sua et catallis Et quia idem Philippus post finem illum coram nobis factum non vult a terra illa recedere sicut convenit rogamus vos mandantes quatinus quod coram nobis tunc temporis actum fuit firmiter observari faciatis et eundem Philippum distringatis ut terram illam priori pacifice dimittat sicut iustum est et ita negotium ipsius prioris in hac parte acceleretis ut vobis pro eo gratias referamus multiplices Scitis enim quanta affectione ipsum priorem et domum suam diligimus Valete