Charter Document - 02370506
| Charter Number: | 02370506 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 |
| Date type: | Assigned |
| Resource Link(s): |
|
Charter:
Hubertus Dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in Domino Noverit universitas vestra nos quandam compositionem inter dilectos filios abbatem et monachos Gloucestrie et priorem et canonicos Lanthonie super quibusdam parochianis et sepulturis factam et scripto eorum communi corroboratam sub hac verborum continentia inspexisse scilicet quod si aliquis de parochianis monachorum videlicet ecclesie Beate Marie ante portam abbatie et Sancti Johannis Baptiste et aliarum ecclesiarum cimiteriis carentium in villa Gloucestrie sitarum apud Lanthoniam duobus vel tribus presentibus in extrema voluntate sepulturam elegerit canonici hoc ipsum monachis denunciabunt et ita libere et pacifice licebit canonicis id ipsum recipere Similiter si aliquis de parochianis canonicorum Lanthonie in villa Gloucestrie scilicet ecclesie Beata Marie infra portam australem et Sancti Audoeni extra muros civitatis apud ecclesiam Beati Petri duobus vel tribus presentibus in extrema voluntate sepulturam elegerit monachi hoc ipsum canonicis Lanthonia denunciabunt et ita libere et pacifice licebit monachis ipsum recipere Ita quidem quod si vel monachos vel canonicos in tali electione contigerit esse presentes intuitu caritatis eligentem monebunt ut ecclesiam a qua recedit sive monachorum sive canonicorum in aliquo beneficio respiciat De capella autem castelli convenit inter eos quod si aliquis de castello penes Sanctum Petrum sepulturam sibi eligere voluerit monachi eum libere recipiant similiter si penes Lanthoniam sepeliri voluerit canonici eum libere recipiant nullis privilegiis vel aliis scriptis hinc inde impetratis vel impetrandis huic amicabili compositioni in posterum prejudicantibus Quod ut ratum et inconvulsum in eternum permaneat sigillis utriusque ecclesie diviso inter eos cyrographo hinc inde confirmatum est Nos itaque huic inter eos facte compositioni et ab episcopo dyoecesano confirmate auctoritatis nostre robur prestare volentes ipsam prout rationabiliter facta est ut tanto majorem obtineat firmitatem duximus presentis scripti attestatione et sigilli nostri appositione communire et corroborare Hiis testibus Henrico archidiacono Cantuariensi Gaufrido de Bocland archidiacono Northfolchie Ranulfo thesaurario Saresburiensi magistro Simone de Siwell []