Charter Document - 02370489

Hubertus dei gratia Cantuariensis archiepiscopus totius Anglie primas dilectis in Christo filiis abbati de Notleia et priori de Walingeford salutem et benedictionem Cum causa que vertitur inter Willelmum de Hanl et Iohannem de Appelford super una virgata terre et dimidia ab examine dilecti filii nostri A officialis archidiaconi Oxoniensis ad nos esset delata per appellationem partibus in nostra presentia constitutis prefatus Willelmi de Hanl coram nobis proposuit quod cum unam virgata terre et dimidiam a memorato de Appelford comparasset pro octo marcis et decem solidis de quibus quatuor marcas ei solverat et dies esset prefixus ad residuum pecunie solvendum cum dictus Willelmi de Hanl propter adversam corporis valetudinem die ad solutionem perficiendam statuto non compareret in propria persona immo capellanum de Hanl et Ricardum fratrem suum cum iiii marcis et decem solidis qui restabant solvendi destinasset ut illos sepe dicto de Appelford ex parte sua solverent si prout inter eos convenerat et fide media firmatum fuerat idem ipsum in eiusdem terre possessionem corporalem induceret quia senescallus Thome de Sancto Walerico in cuius feodo terra illa sita est inhibuit predicto de Appelford ne terram suam alicui venderet cum eam warantizare non posset ideo idem ipsos capellanum et Ricardum nomine memorati Willelmi in possessionem dicte terre inducere omisit dicti capellanus et Ricardus frater ipsius Willelmi de Hanl hoc audito memorate solucionem pecunie distulerunt Unde idem Willelmi usque ad summam xii marcarum dampnum asserit incurrisse se et iacturam E contra vero memoratus de Appelford asseruit quod iiii marcas a dicto Willelmi de Hanl receperat et quod dies prefixus fuit et statutus ad quatuor marcas et decem solidos que restabant recipiendas Set quia die illo non comparuit quisquam qui de dictis iiii marcis et x solidis ei satisfaceret et ab inicio inter ipsos convenisset quod nisi die illo ei fuisset plene satisfactum de cetero nec ei nec alii super predicta convencione inde teneretur respondere convencioni ita stare non tenebatur Adiecit dictus de Apelford quod talis postmodum convencio inter eos fuit facta et fide firmata videlicet quod sepe dictus Willelmi ei in principio x marcas dare debuit et postmodum singulis annis duas marcas pro predicta terra si tamen cartam suam ei super hoc faceret et eam sibi warantizare [] memoratus Willelmi est inficiatus asserens quod non fuerat eatenus in conventione illa processum ut quod inde in tractatu conceptum fuerat esset fidei interposicione firmatum Immo dicit quod amicorum suorum consilio super hoc uti debuit qui ad hoc nullo modo consenserunt nec ipse aliquo modo consensit Lite igitur super premissis articulis in hunc modum coram nobis contestata placuit partibus ut vobis super hiis inquisitio facienda committeretur Unde volentes partium sumptibus parcere ac laboribus vobis de quorum discrecione confidimus precipiendo mandamus quatinus convocatis quos propter hoc noveritis convocandos testes utriusque partis super premissis quotiens racio exegerit admittatis et diligenter examinetis ipsorumque dicta fideliter in scriptum redacta per fidelem nuntium nobis transmittatis diem partibus prefigentes competentem quo in nostra presentia compareant quod iuris racio dictabit recepture Et de die partibus dato per litteras vestras nos certificetis