Charter Document - 02370486
| Charter Number: | 02370486 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1202 |
| Date type: | Internal, A.D., Calendar |
| Resource Link(s): |
|
Charter:
H permissione divina Cantuariensis archiepiscopus totius Anglie primas salutem in domino Cum necesse habeamus qui in hoc seculo versamur et mole premimur peccatorum sanctorum meritis adiuvari sapienter agimus si eos in terris venerando interventum eorum in celis studeamus prospicere Sane cum sanctus Hildevertus qui apud Gornacum requiescit ibidem esset de una capsa in aliam honestius et dignius sibi preparatam transferendus quia dominus Rothomagensis archiepiscopus non potuit solemnitati illi interesse et translationem illam per seipsum explere rogatu ipsius qui suas in omnibus nobis in hac parte vices commisit et rogatu illustris regis Anglie Iohannis necnon nobilis viri Hugonis de Gornaco domini fundi ubi memoratus sanctus requiescit illuc accessimus et veneranda eiusdem sancti ossa assistentibus nobis episcopis quibusdam et viris religionis solemniter et debito more feria quinta ante dominicam in Quadragesima qua cantatur Letare Ierusalem transtulimus [] Actum anno dominice incarnationis mcci xii cal Aprilis