Charter Document - 02370484
| Charter Number: | 02370484 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 |
| Date type: | Internal, Calendar |
| Resource Link(s): |
|
Charter:
H dei gratia Cantuariensis archiepiscopus totius Anglie primas universis sancte matris ecclesie filiis ad quos presens pagina pervenerit salutem et benedictionem Ex iniuncte nobis sollicitudinis officio tenemur viros religiosos et servitio dei aptos diligere eorumque iura res et possessiones protegere et tueri pastoralis cura nos compellit Ea propter dilectorum filiorum nostrorum prioris et monachorum Gold iustis postulationibus gratum impertientes assensum ex dono Roberti de Chandos et postmodum ex confirmatione Morgani et Gerverdi fratris sui qui post eum dominium de Karl iure hereditario optinuerunt ecclesiam sancte Trinitatis iuxta Karl cum omnibus pertinentiis suis ecclesiam etiam sanctorum Iulii et Aaron cum omnibus pertinentiis partem etiam nemoris de Wastadcoit per metas et divisiones quas eis idem R de Chandos propria manu prefixit quas metas et divisiones postmodum Morganus et Gerverdus caritativo intuitu confirmaverunt sicut in eorum cartis expressius annotatur et omnes terras et possessiones que infra illas metas continentur ego H Cantuariensis archiepiscopus totius Anglie primas auctoritate dei et nostra qua vice domini pape fungimur iamdictis monachis confirmamus Siquis autem contra hanc nostre confirmationis paginam venire presumpserit cum Anania et Saphira quos terra vivos absorbuit eternam accipiat portionem et nisi resipiscat viaticum ei in extremis agenti denegetur Quod si per alicuius manum forte ausu temerario acceperit ad dampnationem non ad salvationem ei proveniat Dat Winton septimo kal Augusti coram hiis testibus Simone episcopo Cicestrensi Seiero de Quency magistro Iohanne de Tinemue magistro Ricardo cancellario magistro Honorio archidiacono de Richemund magistro Simone de Siuell Aaron notario