Charter Document - 02370471
| Charter Number: | 02370471 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1195 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem gratiam et benedictionem Noverit universitas vestra quod Guerrasius de Pillesdon pro salute anime sue in libera potestate et sanitate sua coram nobis dedit ecclesie at monachis de Forde duas terras suas videlicet Burgestok et Linton cum omnibus pertinentiis suis et libertatibus salvo annuo redditu viginti solidorum quos monachi eiusdem ecclesie de terra de Burgestoke sibi et heredibus suis annuatim reddere debebunt Unde quoniam ea que in presentia nostra fiunt testificare tenemur et que propter deum et religionis gratiam geruntur fovere protegere et manutenere debemus predictam donationem ratam et stabilem esse censemus et ne quis contra eam venire audeat sub anathematis interminatione prohibemus Hiis testibus Galfredo de Bokland magistro Simone de Suwell magistro Willelmo Sumercott magistro Alexandro Frome