Charter Document - 02370456

Hubertus dei gratia Cantuariensis archiepiscopus totius Anglie primas dilectis filiis abbati de Cernel et decano Wellensi salutem et benedictionem Constitutis coram nobis per appellationem venerabili fratre nostro Exoniensi episcopo per magistrum H procuratorem suum ex una parte et nobili viro Willelmo comite Devonie Samson clerico Iohanne pincerna Humfredo Poher et Ricardo de Plimton ex altera post multa hinc inde proposita tandem inter partes ita quievit ut utraque pars tantum semel coram nobis testes producat ad probandam utriusque intentionem super articulis inferius comprehensis Super hiis autem articulis debent testes comitis et eorum qui secuntur admitti Comes dicit se spoliatum post appellationem ad dominum papam rite interpositam vii bobus per episcopum Samson clericus blado et aliis ad valentiam xxx marcarum et amplius similiter dicit se esse post appellationem spoliatum per eundem et insuper nominatim non confessum non convictum esse excommunicatum super quo articulo dicti Humfredo et Ricardo similiter de se ipsis conqueruntur Episcopi vero procurator econtra inficiatus est spoliationem per episcopum fuisse factam dicens beneficia que Samson clericus habuit in episcopatu Exoniensi per dominum suum fuisse sequestrata tum quia cum clericus esse dicatur non habet clericam tum quia incidit in canonem date sententie eo quod auctoritatem prestitit predictis Humfredo et Ricardo et aliis multis qui manus violentas in episcopum et quosdam alios clericos iniecerunt nec eandem iniectionem prohibuit cum eam posset prohibere Idem etiam procurator dictos Humfredo et Ricardo similiter dicit esse nominatim excommunicatos ea ratione quia notoria fuit violenta iniectio in episcopum et clericos in atrio ecclesie de Plimton ab eis facta sicut et notorium fuit dictum Samson auctoritatem talem prestitisse et cum posset prohibere violentiam talem eam non prohibuisse Hinc est quod vobis mandantes precipimus quatinus die et loco partibus a vobis prefixendis testes quos partes duxerint producendos admittatis tantum semel et iuratos diligenter examinetis attestationes sub sigillis vestris fideliter signatas die veneris proxima ante festum beate Margarete nobis transmittentes quem diem partibus edicto peremptorio per figatis quo coram nobis compareant quod ratio exegerit recepture Qualiter autem mandatum nostrum fueritis executi eodem die nos certificetis Valete