Charter Document - 02370449
| Charter Number: | 02370449 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1194 |
| Date type: | Assigned |
| Resource Link(s): |
|
Charter:
H dei gratia Cantuariensis archiepiscopus totius Anglie primas universis sancte matris ecclesie filiis ad quos littere presentes pervenerint salutem gratiam et benedictionem Noverit universitas vestra quod dilectus filius noster Willelmus de Sancte Marie Ecclesia spontanea voluntate sua resignavit in manus nostras ecclesiam de Estchirche que est in insula de Scapeia et post factam resignationem dominus Richardus rex Anglie concessit eandem ecclesiam ecclesie sancte Marie de Dunis in perpetuam elemosinam et nobis dilectum amicum nostrum Helyam abbatem eiusdem ecclesie de Dunis ad prefatam ecclesiam de Estchirche presentavit ad cuius presentationem nos ipsum abbatem nomine domus sue ad eandem ecclesiam recepimus et eum in ea vacante canonice personam instituimus et per officiales nostros in corporalem possessionem eiusdem ecclesie eum introduci fecimus Quapropter volumus quod predictus abbas et conventus eiusdem ecclesie de Dunis eandem ecclesiam de Estcherche in puram liberam et perpetuam elemosinam habeant et teneant libere quiete et honorifice cum omnibus ad eam pertinentibus salvo iure et consuetudinibus episcopalibus et salva nobis competenti ordinatione vicarie predicte ecclesie Et ut hec nostra concessio et institutio rata inperpetuum et inconcussa permaneat eam presentis scripti attestatione et sigilli nostri appositione communimus Hiis testibus H archidiacono Cantuariensi magistro W de Ganda abbate de Waltham et Willelmo abbate de Straford Henrico de Castellione Waltero Londoniensi precentore magistro Willelmo de Lethinton magistro Symone de Scalis magistro Willelmo de Sumercote magistro Willelmo de Calna Symone camerario Richardo de Eli