Charter Document - 02370446

Charter Document - 02370446


Charter Number: 02370446
Cartulary Title: Canterbury 1193-1205 Volume 3
Charter Language: Latin
Charter Origin: Religious
Charter Type(s): Confirmation
Date: 1201
Date type: Assigned
Resource Link(s):

Charter:

Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in domino Quanto nobis licet indignis maiorem contulit divina dispensatio potestatem tanto pronius pietatis et compassionis affectu necessitatibus debemus condescendere singulorum et circa illos dispensare benignius qui dispensationis beneficio necessitate cogente noscuntur amplius indigere Quapropter ad universitatis vestre notitiam volumus pervenire quod considerata necesssitate dilectorum filiorum nostrorum monachorum ecclesie sancti Martini Dovorr quorum domus et officine simul cum ecclesia tempore confectionis huius carte penitus fuerunt igne consumpte et destructe necnon pensato magno onere quod in virorum religiosorum qui illae frequentius transeunt aliorumque hospitum susceptione noscuntur sustinere concessionem et confirmationem quas bone recordationis Theobaldus quondam archiepiscopus Cantuariensis predecessor noster eis misericorditer fecit de ecclesia sancti Laurentii de Hugham quam sicut in ipsius autentico inspeximus contineri eis concessit et confirmavit cum terris decimis et omnibus beneficiis ad eam pertinentibus in perpetuam elemosinam possidendam ratas habemus et auctoritate qua fungimur confirmamus pia eisdem monachis dispensatione concedentes sicut predictum predecessorem nostrum intelligimus voluisse et intendisse ut eandem ecclesiam cum omnibus pertinendis suis in proprios usus perpetuo habeant et possideant salva honesta sustentatione vicarii in eadem ecclesia ministraturi qui pro eis de episcopalibus consuetudinibus respondebit et incumbentia eidem ecclesie onera episcopalia sustinebit Unde ut hec nostra concessio et confirmatio perpetua gaudeant firmitate eas a presenti scripto et sigilli nostri testimonio dignum duximus roborare prohibentes sub anathemate ne quis contra donationem et confirmationem predicti predecessoris nostri seu nostram in hac parte temere veniens predictam eisdem monachis auferat elemosinam vel pertinentium bonorum in aliquo faciat diminutionem Hiis testibus magistro Simone de Sywell thesaurario Lichefeldensi Rannulfo thesaurario Saresberiensi magistro Ricardo de Wilton magistro Michaele de Ryngefeld Rogero de Basingham Roberto de Bristoll magistro Elya de Dierham magistro Iordano phisico magistro Ricardo de Beverlaco Willelmo de Bosco Iohanne de Kent Rogero de Ponte Audamaro David de Rudeby Aaron de Kent et aliis multis