Charter Document - 02370443
| Charter Number: | 02370443 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1203 - 1204 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in domino Noverit universitas vestra nos dedisse et concessisse deo et ecclesie beati Martini de Dovorr et monachis ibidem deo servientibus sexdecim acras et dimidiam in bosco nostro de Thurskyng que iacent versus orientalem plagam vallis de Stanwey inter eundem boscum nostrum et boscum Roberti de Malevill in escambium totius terre quam iidem prior et conventus clamaverunt in marisco de Apoldre quam iidem prior et conventus nobis dederunt et concesserunt Unde volumus et precipimus quod iidem prior et conventus habeant et teneant illas sexdecim acras et dimidiam in predicto bosco de nobis et successoribus nostris libere et quiete et de eisdem disponant pro voluntate sua Ut igitur hec donatio et concessio perpetuam optineant firmitatem eas presenti scripto et sigilli nostri appositione confirmavimus Hiis testibus magistro Simone de Sywell theaurario Lechefeldensi Iacobo Salvagio magistris Roberto Balbo Michaele de Ryngefeld Rogero de Basingham Roberto de Bristoll Willelmo de Bosco Iohanne de Sancto Edmundo David de Rudely Baron de Kent et aliis multis