Charter Document - 02370436
| Charter Number: | 02370436 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1205 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in domino Ex commisso nobis pastorali officio paci et securitati virorum religiosorum tenemur quantum possumus providere et ut ea que ipsis misericorditer et iuste collata sunt tutius possideant et quietius eadem auctoritatis nostre munimine confirmare Quapropter ad universitatis vestre notitiam volumus pervenire nos cartas venerabilis fratris nostri I Norwicensis episcopi secundi dilectis filiis nostris canonicis sancte Marie de Dereham super ecclesiam de Ringelande et medietatem ecclesie de Holcam confectas inspexisse ex quarum inspectione perpendimus eundem episcopum ipsis canonicis divine pietatis intuitu concessisse et confirmasse predictam ecclesiam de Ringeland cum omnibus pertinendis suis et medietatem prenominate ecclesie Holcham cum omnibus ad eandem pertinentibus in proprios usus possidendas post mortem vicariorum silicet Stephani filii Thome de Waltune et Huberti de Montecanisio salva perpetua vicaria decem marcarum in certa porcione dicte medietatis ecclesie de Holcham ad sustentationem vicarii in ea ministraturi post mortem dicti Huberti de Montecanisio ab ipso episcopo vel eius successoribus ad presentationem predictorum abbati et canonicorum assignanda sicut in carta ipsius episcopi noscitur contineri Ut igitur idem canonici super eisdem beneficiis maiori auctoritate roberentur nos beneficia ipsa sicut ipsis ab episcopo rationabiliter in proprios usus concessa sunt et confirmata nostra eis auctoritate confirmavimus et presenti scripto et sigilli nostri testimonio communivimus Hiis testibus