Charter Document - 02370435
| Charter Number: | 02370435 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 - 1198 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentibus et futuris H dei gratia Cantuariensis archipiscopus totius Anglie primas apostolice sedis legatus et Theobaldus Walteri salutem Noverit universitas vestra nos divine pietatis intuitu pro salute nostra et salute animarum omnium antecessorum et successorum nostrorum dedisse et hac presenti carta nostra confirmasse deo et ecclesie sancte Marie de Dereham et canonicis ibidem deo servientibus in liberam et perpetuam elemosinam totam terram et tenementum integre cum omnibus pertinentiis suis quod Hamo Walteri tenuit in Ykelingtona solutum et quietum ab omni seculari servitio exceptis triginta solidis argenti quos moniales de Ikelingeton debent et solent inde annuatim percipere et amodo recipient per manus dictorum canonicorum Hoc autem tenementum et omnes illius pertinentias ego Theobaldus et heredes mei adquietabimus contra omnes de omnibus servitiis suis integre et plenarie cum omnibus libertatibus et liberis consuetudinibus in liberam puram et perpetuam elemosinam solutum et quietum ab omni seculari servitio excepto servitio dictorum triginta solidorum quos predicte moniales de Ikelingtona debent inde percipere per manus predictorum canonicorum ut predictum est Et ut hec nostra donatio maiorem in posterum firmitatem optineat eam tam presenti scripto quam sigillorum nostrorum appositione duximus confirmandam uterque enim nostrum sigillum suum apposuit in testimonium alterius Hiis testibus