Charter Document - 02370430
| Charter Number: | 02370430 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1198 - 1205 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit eternam in domino salutem Noverit universitas vestra quod cum inter abbatem et monachos de Feveresham ex una parte et moniales de Davinton ex altera super ecclesia de Niwenham controversia verteretur tandem parte utraque in presentia nostra constituta totum ius quod in eadem ecclesia de Niwenham sibi vendicavit sponte in manum nostram resignavit totum nobis relinquens ut pro voluntate et arbitrio nostro inde disponeremus Nos autem eo facto ecclesiam illam cum omnibus pertinentiis suis dictis monialibus considerata paupertate earum pia intuitu concessimus et dedimus in proprios usus perpetuo habendam et possidendam statuentes ut predictis monachis inde annuatim per manus earumdem monialium due marce et dimidia reddantur quas specialiter assignavimus ad eorumdem monachorum firmariam Ut igitur hoc imposterum nulli veniat in dubium immo ratum permaneat et inconcussum id presenti scripto et sigilli nostri appositione protestari dignum duximus et confirmare Hiis testibus magistro Simone de Sywell thesaurario Lichefeldensi Rannulfo thesaurario Saresberiensi magistro Iohanne de Tinem magistro Willelmo de Sumerecot Rogero de Basingham Roberto de Bristoll Iohanne de Kent Willelmo de Bosco et multis aliis