Charter Document - 02370413
| Charter Number: | 02370413 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1195 - 1197 |
| Date type: | Assigned |
| Resource Link(s): |
|
Charter:
H dei gratia Cantuariensis archiepiscopus totius Anglie primas et apostolice sedis legatus dilectis in Christo filiis abbati de Forda et priori de Axemue salutem et benedictionem Ex assertione dilecti filii magistri Michaelis accepimus quod cum Gilebertus capellanus ad solutionem annui census in terminis statutis ei pro quadam portione ecclesie de Culingtun a que dicitur Munechetun fide media et iuramenti religione prestita teneretur astrictus similiterque de non vendicanda in eadem portione sibi perpetuitate fidei et iuramenti religione teneatur obligatus idem G tam fidei sue quam iuramenti religionem contempnens censum predictum prout convenit in terminis solutioni deputatis exsolvere postposuit necnon et in eadem portione sibi perpetuitatem vendicare presumit Hinc est quod quia idem M ut asserit super gravamine illo et iniuria nostram appellavit audientiam discretioni vestre precipiendo mandamus quatinus si de appellatione vobis constiterit partibus convocatis de causa illa diligenter cognoscatis et si rem se ita habere inveneritis memoratum G capellanum ad tam fidei sue quam iuramenti religionem observandam per ecclesiasticam censuram mediante iustitia compellatis Valete