Charter Document - 02370402
| Charter Number: | 02370402 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1195 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus sancte matris ecclesie filiis ad quos presens scriptum pervenerit eternam in domino salutem Cum ex officii nostri debito omnibus subiectis nostris et precipue viris religiosis in suis necessitatibus adesse debeamus circa ipsos et ipsorum comoditates promovendas benigniori et maiori affectu volumus intendere quos religionis commendat sinceritas et qui maioris gerunt insignia honestatis Eapropter ad universitatis vestre notitiam volumus devenire quod nos ob religionis sinceritatem et honestatis immensitatem quibus dilecte filie nostre moniales de sancto Sepulcro Cantuar preminent et ob specialem dilectionem quam horum intuitu erga eas gerimus eis ad sue sustentationis augmentum indulsimus concessimus et presenti scripto confirmavimus ut ipse de ecclesia sancti Edmundi de Redengat et de capella sancte Marie Breden ad eandem ecclesiam sancti Eadmundi pertinente viginti solidos nomine pensionis annuatim percipiant Concessimus etiam eis et confirmavimus totam liberam terram ad dictas ecclesiam et capellam pertinentem ad proprios usus habendam et possidendam Preterea ad earumdem monialium instantiam et petitionem dilectum filium nostrum Godardum presbiterum ad perpetuam vicariam dictarum ecclesie et capelle admisimus et eam ad ipsarum presentationem ei pietatis intuitu concessimus ita quod idem G nominatam pensionem viginti solidorum de pretaxatis ecclesia et capella memoratis monialibus solvet annuatim ad duos terminos videlicet ad festum sancti Augustini Anglie apostoli decem solidos et ad Natale domini decem solidos Habebuntque insuper dicte moniales totam liberam terram ut predictum est ad suos usus que ad pretaxatas ecclesiam et capellam noscitur pertinere Ut igitur hoc ratum in perpetuum maneat et inconvulsum tam sigilli nostri appositione quam testium subscriptione duximus roborandum Hiis testibus magistro Ricardo cancellario nostro Rannulfo thesaurario Saresberiensi magistro S de Scalis Galfrido de Bocland magistro Willelmo de Sumercot Iohanne de Sancto Laurentio magistro Reinerio Thoma de Stokingebir Iacobo filio eius magistro Symone de Siwell magistro Elya Fulcherio magistro Ada