Charter Document - 02370384
| Charter Number: | 02370384 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1198 - 1200 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus ad quos presens scriptum pervenerit eternam in domino salutem Noverit universitas vestra quod nos divine pietatis intuitu dedimus dilecto clerico nostro magistro Honorio ecclesiam de Terring cum omnibus pertinentiis suis libere et quiete perpetuo possidendam ipsumque in ea personam instituimus Dedimus etiam eidem magistro Honorio ecclesiam de Pascing cum omnibus pertinentiis suis et ipsum eum in ea personam similiter instituimus eo salvo quod Iohannes de Bedingeham clericus predictam ecclesiam de Pascing nomine vicarie toto tempore vite sue possidebit reddendo inde annuatim predicto magistro Honorio sicut persone unam marcam argenti nomine pensionis scilicet dimidiam marce ad Pascha et dimidiam marce ad festum sancti Michaelis ita quidem quod si predictus Iohannes premoritur ad sepe dictum Honorium eadem ecclesia de Pascing pleno iure revert[a]tur Et ut predicte donationes nostre futuris temporibus rate et inconcusse permaneant eas presenti carta cum sigilli nostri appositione confirmavimus Hiis testibus Rannulfo thesaurario Saresbiriensi magistro Simone de Suwell thesaurario de Lichesfeld magistro Iohanne de [Tine]mua magistro Willelmo de Sumerkote Galfrido et Andrea monachis capellanis archi[episcopi magistro] Adam de Wasingeham magistro Willelmo de Hadfeld magistro Roberto de Bristo [Iohanne de] Kent et pluribus aliis