Charter Document - 02370382
| Charter Number: | 02370382 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1200 |
| Date type: | Assigned |
| Resource Link(s): |
|
Charter:
In nomine patris et filii et spiritus sancti Amen Ita convenit inter dominum Cantuariensem archiepiscopum et conventum Cantuariensis ecclesie salva in omnibus sedis apostolice reverentia scilicet quod de questionibus inter eos motis scilicet de capella erigenda vel non erigenda apud Lamhee et de quatuor ecclesiis videlicet de Muneketon de Estreie de Mapeham et de Einesford et de exeniis quorundem maneriorum conventus et de mariscis et quibusdam piscariis et moris compromiserunt in tres iudices a domino papa delegatos scilicet dominum Lincolniensem dominum Eliensem et dominum abbatem Sancti Edmundi aut si dominus Lincolniensis interesse non poterit in decanum Lincolniensem magistrum Rogerium promittentes quod ipsi eorum arbitrio stabunt plenam potestatem eis committentes ut de predictis questionibus secundum voluntatem suam inter eos amicabiliter componant et quod ab ipsis arbitris provisum fuerit firmiter observabunt In huius rei testimonium et robur firmitatis utraque pars sigillum suum huic scripto fecit apponi Hiis testibus domino episcopo Roffensi et domino Wigorniensi abbatibus etiam de Abbendon de la Hide de Waltham de Einesham de Certes de Bello de Boxle H Cantuariensi G Cameracensi R Norhantun W Roffensi et W Gloecestriensi archidiaconis et multis aliis in capitulo Cantuariensi presentibus ubi hec coram priore et conventu agebantur