Charter Document - 02370373
| Charter Number: | 02370373 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1197 |
| Date type: | Assigned |
| Resource Link(s): |
|
Charter:
Hub[ertus] dei gratia Cantuariensis archiepiscopus totius Anglie primas et apostolice sedis legatus omnibus sancte matris ecclesie filiis ad quos scriptum presens pervenerit eternam in domino salutem Ad omnium volumus noticiam pervenire quod facta inter nos et dilectos filios nostros monachos Roffenses de voluntate et assensu venerabilis fratris nostri G Roffensis episcopi permutatione de manerio de Lameh quod eorum fuit et de manerio de Darent quod erat nostrum ac de ecclesiis eorundem maneriorum dilectus filius noster Nicholaus tunc temporis persona ecclesie de Darent coram nobis se presentavit ac ecclesiam quam possidebat de Darent in manum nostram spontanea ductus voluntate cum omnibus ad eam pertinentibus resignavit renuncians inperpetuum omni iuri quod in ea noscebatur habere nosque hoc facto eandem ecclesiam cum omnibus ad eam spectantibus memoratis monachis Roffensibus inperpetuum et in proprios usus habendam et possidendam concessimus et confirmavimus ipsos in ea tanquam personam canonice instituentes Et ut hec in posterum nulli veniant in dubium immo perpetue stabilitatis obtineant firmamentum tam resignationem prefati Nicholai quam nostram concessionem dictis monachis de prefata ecclesia sicut prediximus postmodum factam presentis scripti serie et sigilli nostri appositione testificari duximus et communire Hiis testibus Waltero abbate Sancte Crucis de Waltham Galfrido de Bocland magistro Ricardo cancellario Rannulfo thesaurario Saresberiensi magistro Simone de Siweir magistro Godefrido de Insula magistro Willelmo de Sumercotes magistro Willelmo de Neketon magistro Willelmo de Calna Simone de Camera magistro Gilberto et magistro Elya clericis domini Roffensis et aliis