Charter Document - 02370372

Omnibus sancte matris ecclesie filiis ad quos presens scriptum pervenerit Hub[ertus] dei gratia Cantuariensis archiepiscopus totius Anglie primas et apostolice sedis legatus eternam in domino salutem Que utiliter gesta sunt decrevit humana discretio scripto commendare ne tractu temporis a memoria hominum possint excidere Eapropter ad universitatis vestre noticiam volumus pervenire quod cum monachi Rofenses de assensu et voluntate illustris regis Anglie Ricardi auctoritate etiam et assensu Gilberti tunc Rofensis episcopi post multas deliberationes concessissent nobis et successoribus nostris in perpetuum manerium de Lameh cum ecclesia eiusdem manerii et cum omnibus libertatibus et liberis consuetudinibus et omnibus aliis pertinentiis suis tam in eodem manerio existentibus quam in Suwerc quam in dimidia socna de London nos considerata comuni utilitate tam Cantuariensis quam Rofensis ecclesie de assensu et voluntate memorati regis Anglie Ricardi prehabito etiam magnatum regni consilio dedimus et concessimus in excambium predicti manerii de Lameh predictis monachis Rofensibus totum manerium de Darente cum ecclesia et cum capella de Helles et cum omnibus libertatibus et liberis consuetudinibus et omnibus aliis rebus ad ipsum manerium pertinentibus salvo iure spirituali in ipsa ecclesia nobis et successoribus nostris donec nos vel successores nostri illud de mera liberalitate episcopo Rofensi concesserimus et unam bercariam in Clive que appellatur Estmerse cum ducentis viginti ovibus cum terra certa in Clive que pertinet ad eundem mariscum et in eadem villa de Clive Heimericum Thomam Hagenildam viduam Iocelinum Walterum bedellum Eilwinum Martinum Willelmum Adam et Eilmerum piscatorem cum terris quas tenuerunt et redditibus et omnibus serviciis et consuetudinibus suis sine aliquo retinemento nobis vel successoribus nostris ita quod predicti monachi Rofenses habebunt in usus victualium suorum predicta excambia sicut prius habuerunt manerium et ecclesiam de Lameh salvo iure episcopo Rofensi in ipso excambio sicut prius habuit in predicto manerio de Lameh Sciatis etiam quod nos et successores nostri warantizabimus ipsis monachis Rofensibus predictum manerium de Darente cum suis pertinentiis et predictam bercariam cum pertinentiis suis et predictos homines cum terris redditibus et serviciis suis Et predicti monachi warantizabunt nobis et successoribus nostris predictum manerium de Lameh cum pertinentiis suis Noveritis etiam quod nec nos nec aliquis successorum nostrorum poterimus dare alicui aut vendere aut excambire ipsum manerium de Lameh aut aliquo modo a corpore archiepiscopatus Cantuariensis alienare et similiter monachi Rofenses non poterunt dare aut vendere alicui aut excambire aut aliquo modo alienare a sua ecclesia Rofensi predictum manerium de Darente nec ecclesiam nec aliquod tenementum aliud de his que pro manerio de Lamh in excambium receperunt Sciendum etiam est quod molendinum illud cum pertinentiis suis quod predicti monachi habent extra Suwerc supra Tamisiam versus orientem contra Turrem London et mariscus quem habent in Gren quem bone memorie Baldwinus antecessor noster eis dedit pro sede capelle beati Thome martiris et area circumiacente apud Lameh non venerunt in hoc excambium set ipsis monachis quieta remanserunt licet prior de Lameh consuevisset exitus inde percipere antequam hoc excambium factum esset Altera etiam medietas predicte socne in Londonia salva remanet episcopo Rofensi et successoribus suis Ut igitur hec nostra concessio et commutatio perpetua gaudeat firmitate sigillum nostrum presenti scripto duximus apponendum et ad maioris firmitatis robur tam nos quam omnes episcopi et clerus Anglie de assensu et voluntate domini regis sententiam excommunicationis tulimus in omnes qui contra hoc venire presumpserint His testibus Ricardo Londoniensi Godefrido Wintoniensi Sefrido Cicestrensi Hugone Cestrensi Hereberto Saresberiensi Iohanne Wigornensi episcopis Waltero abbate de Waltham comite Rogero Bigot Galfrido filio Petri Willelmo Briwerr Stephano de Torneham Baldwino Wac Teobaldo Walteri magistro Petro Blesensi Stephano Rideir Galfrido de Bocland Rannulfo thesaurario Saresberiensi magistro Simone de Suwell magistro Godefrido de Insula magistro Willelmo de Sumercote magistro Willelmo de Caln