Charter Document - 02370368
Charter Number: | 02370368 |
---|---|
Cartulary Title: | Canterbury 1193-1205 Volume 3 |
Charter Language: | Latin |
Charter Origin: | Religious |
Charter Type(s): | Notification |
Date: | 1196 - 1197 |
Date type: | Internal, A.D. |
Resource Link(s): |
|
Charter:
Hubertus Dei gracia Cantuar archiepiscopus tocius Anglie primas et Apostolice sedis legatus omnibus Christi fidelibus ad quos presens scriptum pervenerit salutem in Domino Noverit universitas vestra quod cum tractatum esset inter nos et monachos Roffens de permutacione manerii de Lamhe et venerabilis frater noster Gilebertus Roffens episcopus nobis ostendisset quam plures commoditates sibi in eodem manerio deberi Nos volentes tam ei quam successoribus suis benigne prospicere quinque marcas argenti annuatim percipiendas in ecclesia de Lamhee ex mera liberalitate nostra assignavimus dedimus et concessimus ei et successoribus suis in recompensacionem quarundam commoditatum quas idem episcopus ita opportune percipere non potest in escambio ejusdem manerij Unde volumus quod quicumque ecclesiam memoratam de Lamhee tenuerit sine difficultate prelibatas quinque marcas annuatim persolvat prefato episcopo et successoribus suis ad duos terminos videlicet ad ad festum sancti Michaelis duas marcas et dimidiam et ad pascha duas marcas et dimidiam Ut igitur hec nostra assignacio et concessio perpetua gaudeat stabilitate eam presentis carte testimonio duximus roborandam Hijs testibus Waltero abbate sancte crucis de Waltham Henrico archidiacono Cant magistro Symone de Suwelle magistro Ricardo cancellario magistro Willelmo de Sumercote magistro Godefrido de Insula Symone de Camera magistro Adam de Walsingham et multis alijs Actum Anno Domino MCXCVI