Charter Document - 02370367
| Charter Number: | 02370367 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 - 1198 |
| Date type: | Assigned |
| Resource Link(s): |
|
Charter:
H dei gratia Cantuariensis archiepiscopus totius Anglie primas et apostolice sedis legatus dilectis in Christo filiis omnibus fidelibus per Lincolniensem Coventrensem et Wygorniensem episcopatus constitutis salutem in domino Ex commisse nobis cure pastoralis officio vos ad opera caritatis tenemur invitare et ad illa maxime que saluti animarum vestrarum magis noverimus expedire Hinc est quod considerata necessitate ecclesie sancte Marie de Essebya cuius fabrica novo consurgit opere nec potest sine fidelium auxilio consummari pietatis vestre gratiam sollicite duximus in domino rogandam et admonendam quatinus pro amore dei et gloriose virginis Marie patrone eiusdem ecclesie necnon pro salute animarum vestrarum eidem ecclesie ad novi operis sui consummationem elemosinas vestras et pia velitis auxilia conferre ut pro nummis et temporalibus bonis que ei inpenderitis eterne vite gaudia participare debeatis Nos autem promotioni eiusdem ecclesie adesse volentes et de misericordia dei et gloriose virginis Marie confidentes omnibus ex vobis qui eidem ecclesie de bonis sibi a deo collatis aliquid consideratione dei et pietatis contulerint vel transmiserint confessis et vere penitentibus de iniuncta sibi penitentia quindecim dies relaxamus et omnium orationum et beneficiorum que in sancta Cantuariensi fiunt ecclesia participes esse concedimus facta []