Charter Document - 02370361
| Charter Number: | 02370361 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1205 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presentes littere pervenerint salutem in domino Ex commisse nobis cure pastoralis officio paci et indempnitati subiectorum nostrorum tenemur prospicere et eorum maxime qui se religionis voto arcius noscuntur obligasse quatinus res et possessiones eorum in tranquillo statu consistant et protectionis nostre munimini innitentes indebite non sentiant perturbationis molestias Eapropter ad notitiam omnium volumus pervenire nos intuitu dilectionis quam ad dilectos filios nostros abbatem et monachos de Burthon habemus consideratione etiam religionis et honestatis eorum ipsos et domum suam et omnes tam res quam possessiones eorum in protectione dei et nostra suscepisse Unde districtius omnibus prohibemus ne quis eisdem abbati et monachis super aliquibus rebus sive possessionibus suis ausu temerario molestiam inferat vel gravamen iniustam Valete