Charter Document - 02370351
| Charter Number: | 02370351 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1204 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas omnibus Christi fidelibus ad quos presens scriptum pervenerit salutem in domino Ad universitatis vestre notitiam volumus pervenire nos intuitu dei et ad cessionem Mathei de Poutona clerici ac ad presentationem Stephani de Poutun patroni ecclesie eiusdem ville concessisse et dedisse dilectis filiis nostris priori et canonicis ecclesie sancte Radegundis de Bradesole eandem ecclesiam de Poltun cum omnibus ad eam pertinentibus eosdemque priorem et canonicos tanquam personam in ea canonice instituisse salvis in omnibus episcopalibus consuetudinibus et Cantuariensis ecclesie dignitate ita quidem quod memoratus Matheus cui iidem prior et canonici post resignationem suam de assensu predicti patroni perpetuam eiusdem ecclesie concessere vicariam eandem ecclesiam cum omnibus pertinentiis suis quamdiu vixerit possidebit reddendo ipsis priori et canonicis de ea singulis annis ad Assumptionem beate Marie unum aureum nomine pensionis qui cum decesserit tota eadem ecclesia ad ipsos priorem et canonicos in proprios ipsorum usus convertenda revertetur Ut ergo hec nostra donatio et institutio perpetuam optineat firmitatem eam presenti scripto et sigilli nostri testimonio confirmare duximus et communire Hiis testibus Ranulfo thesaurario Saresberiensi Galfrido de Bocland Norf et Simone filio Roberti Wellensi archidiaconis magistro Simone de Siwelle thesaurario Lichefeldensi magistro Willelmo de Sumercote magistro Iohanne de Thinem magistro Ada de Walsingeham Ricardo de Ringsted Roberto de Brist et aliis