Charter Document - 02361729
| Charter Number: | 02361729 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Exemption |
| Date: | 1285 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Johannes miseratione divina tituli sancte Ecclesie presbyter cardinalis apostolice sedis legatus discretis viris collectoribus decime subsidio negocii Aragonie Valencieque regnorum ab apostolica sede concesse in Senon et Belvacensi civitatibus et diocesibus auctoritate nostra deputatis salutem in Domino Habentes de beneplacito serenissimi principis domini Philippi regis Francorum illustris discretum virum Guillelmum de Sancto Amando cantorem Sancti Juliani de Saltu et canonicum Beate Marie Claromontensis ecclesiarum Senon et Belvac diocesium ejusdem regis clericum a prestatione decime que pro subsidio negotii Aragonie Valencieque regnorum ex apostolica concessione ad presens exigitur de reditibus et proventibus ecclesiasticis quos in Senon et Belvac civitatibus et diocesibus obtinet pro toto quadriennio quo dicta decima colligitur excusatum discretioni vestre qua fungimur auctoritate mandamus quatinus ab eodem Guillelmo vel procuratoribus ejus ratione ipsius decime per totum idem quadriennium nihil penitus exigetis nec eos occasione hujusmodi quomodolibet molestis quin pocius restituatis eisdem si quid ab ipsis pro dicta decima recepistis Datum in Castris juxta Elvam IIII kal junii anno Domini MCC octuagesimo quinto