Charter Document - 02361487

Omnibus presentes litteras inspecturis magister Odo officialis curie Senonensis salutem in Domino Noverint universi quod in nostra presentia constitutus Henricus Patier miles recognovit quod cum olim contentio esset inter ipsum ex una parte et abbatem et conventum Sancti Petri Vivi Senonensis ex altera super eo quod idem miles dicebat se in domo et porprisia de Ciconiis eorumdem abbatis et conventus habere justitiam quam petebat idem miles in eisdem domo et porprisia quod negabant dicti abbas et conventus tandem super hoc fuit amicabiliter compositum inter ipsum Henricum et virum religiosum Thomam ejusdem abbatie Sancti Petri electum confirmatum et conventum ejusdem abbatie in hunc modum quod si aliquis pro quocumque furto vel maleficio vel pro quali alia causa venerit vel aufugerit ad dictas domum et porprisiam de Ciconiis et eam intraverint pro se garentesando quod abbas et conventus ejusdem abbatie eum garentesabunt sicut viri religiosi possunt et debent talem hominem in domo religiosa garentesare Et si contigerit quod aliquis committat furtum in eadem domo vel porprisia et in eodem furto deprehendatur tanquam fur manifestus serviens dicti abbatis et eumdem furem tradet dicto Henrico vel mandato suo extra porprisiam dicte domus si dominus archiepiscopus Senonensis dixerit quod hoc facere possint prefati abbas et conventus sine periculo ordinis sui nec intelligitur furtum de pane vino carnibus vel caseo vel de esca quolibet Si vero prior vel monachus aut conversus apud Ciconias manens vel abbas Sancti Petri Vivi Senonensis vellent vendere vinum in dicta domo serviens prefati abbatis vel prioris ejusdem loci vel monachi aut conversi ibidem commorantis capiet mensuram a dicto Henrico vel mandato suo et jurabit idem serviens eidem Henrico quod ad eandem mensuram vendet et non ad aliam nec emendam vel aliquid aliud amplius poterit habere dictus Henricus a prefato serviente vel abbate vel priore aut monacho vel converso nisi tantummodo dictum juramentum dicti servientis pro falsa mensura vel pro aliquo alio forefacto ratione mensure Prefati vero abbas et conventus non poterunt recitare in dicto domo vel porprisia res hominum dicti Henrici contra eumdem Henricum Idem vero Henricus quittavit eisdem abbati et conventui pro se et heredibus suis omne jus servitutem et omnimodam justitiam si quam habet in dicta domo et porprisia vel habere debet ut eam habeant idem abbas et conventus quittam et liberam de cetero tanquam domum religiosam et prioratum nec aliquid juris seu justitia in eadem domo et porprisia de cetero reclamabit dictus Henricus excepto hoc quod superius est dictum Dicti vero electus et conventus recognoverunt in presentia nostra quod idem Henricus habet omnem justitiam in villa de Ciconiis et in ejusdem ville pertinentiis extra porprisiam eorumdem abbatis et conventus salva tamen justitia eisdem quam habent et habere debent in hominibus suis in dicta villa seu in justitia dicti Henrici manentibus et salva eisdem justitia censuali et costumali et terragiali quam habent vel habere debent in censivis suis et coustumis et terragiis in eadem villa et circa eamdem villam sitis Et nullam aliam justitiam habent in dicta villa vel appendentiis preter quam in dictis hominibus suis censivis terragiis et coustumis Dictus autem Henricus nullam habebit justitiam in familia eorumdem abbatis et conventus de Ciconiis nisi sint homines sui nec in hominibus ipsorum de Ciconiis ullam habebit justitiam nisi talem qualem usus et consuetudines castellanie Trianguli ei concedunt Prefatus vero Henricus fide data promisit se contra compositionem et conventiones predictas deinceps per se vel per alios non venturum Datum anno Domini millesimo ducentesimo tricesimo nono die martis post festum apostolorum Petri et Pauli