Charter Document - 02361238

Ego Blancha comitissa Trecensis palatina notum facio universis tam presentibus quam futuris quod super multis et diversis querelis quas habebant inter se ecclesia Beati Martini Turonensis et prepositus Chableiarum ex una parte et homines de Chableiis ex altera de assensu et voluntate mea coram domino rege Francie tam ecclesia et prepositus quam homines de Chableiis compromiserunt in dilectos et fideles meos Stephanum de Alto Villari et Thomam scutiferum milites baillivos domini regis et Radulphum de Pontibus militem baillivum meum qui in arbitrium seu impositum taliter processerunt et in testimonium sui processus et cartam conscripserunt sigillatam in hunc modum Omnibus presentes litteras inspecturis Stephanus de Alto Villari Thomas scutifer domini regis milites et baillivi Radulphus de Pontibus domine comitisse Campanie miles et baillivus salutem Noverint universi quod cum verteretur discordia inter venerabilem virum Willelmum precentorem Beati Martini Turonensis prepositum Chableiarum ex una parte et burgenses Chableienses ex alia super multis querelis videlicet super eo quod dicti burgenses conquerebantur de preposito super eo quod ipse capi fecerat Garnerium Bercier sicuti dicebant pro cujus captione multas habuerunt perditas quas sibi ab eodem preposito petebant restitui et etiam emendari conquerebantur etiam de furnagio de banno de vineario Clementolie et Bellimontis de pecudibus captis in bosco Clementolio de boscheis aque de equis et asinis qui solebant duci per villam ad blada defferenda molendinis de fidelitate quam petebant a preposito de fossatis ville de petraria de pascuis et garenna et manu mortua E contra prepositus conquerebatur de ventis quas nollebant reddere de allodiis de justicia de vendicione teneurarum de decimis de juramento fide et levata communiter factis Tandem ab utraque parte coram domino rege in nos tres fuit compromissum Nos vero facta inquisitione legitima de prudentum virorum consilio diximus primitus de Garnerio Bercier quod prepositus non tenetur dictis burgensibus super hoc respondere diximus autem de furnagio quod quindecim panes pro uno pane decoquentur de banno vero diximus quod ecclesia Beati Martini Turon potest ponere bannum in territorio illo quod emit a domino Guidone de Monteregali de vineario Clementolie et Bellimontis diximus quod sicut prepositus ponebat forestagium in bosco illo cum esset superstans ita licebit ei ponere vinearium in vineis ibidem plantatis et habebit ibi totam justiciam sicut habebat in bosco de bosco Clementolie in quo capiebantur pecudes diximus quod si prepositus facit scindere boscum suum ad tailliam vel cum ad tailliam vendiderit potest illum servare et deffendere a pecudibus usque post quartum folium et ex tunc in antea pecudes ibunt per boscum ad pasturam sine emenda de boscheis aque diximus quod nemo potest vel debet rumpere ripas aque que est in defensa ita quod pisces inde possint exire de equis et asinis diximus quod nemo potest vei debet adducere per villam Chableiam equum nec aliam bestiam ad blada defferenda molendinis extraneis sed tamen burgenses Chableienses possunt ducere seu deferre blada sua ad quecumque voluerint molendina de fidelitate repetita preposito diximus quod prepositus quando primo recepit preposituram Chableiensis facit fidelitatem capitulo Turonensis quod bona ecclesie fideliter observabit et quia ipsi sunt de bonis ecclesie prepositus non tenetur eis aliam facere fidelitatem de fossatis que sunt circa villam diximus quod capitulum et prepositus possint facere et defacere et fieri permittere domos in illis ad libitum suum quia nihil pertinet ad burgenses de petraria diximus quod burgenses nihil habent in ea quia prepositus eam emit quittam et liberam a monachis Pontiniacensis de pascuis diximus quod terra illa quam vocabant pascua erat per jus capituli et prepositi quia hec terra gasta erat de qua nullas reddebat aliquas consuetudines nec servicium Sed tamen ad precum nostrarum instanciam supradictus Willelmus prepositus ad communes utilitates et essentias ville dedit et concessit medietatem illius terre supradictis burgensibus liberam et absque consuetudine et servicio eis imperpetuum possidendam et illa medietas tradetur per nos tres vel per duos nostrum et hoc donum prepositus laudari faciet a capitulo Turonensi et impetrabit litteras capituli istud donum approbantes et testantes et tradentur littere iste burgensibus prenotatis de manumortua quia prepositus eam semper ad tempus suum habuit et predecessores sui Jollanus et Theobaldus prepositi Chableiarum eam ad tempus suum habuerunt proinde diximus quod capitulum et prepositus eam habeant sicut solent de garenna diximus quod prepositus potest facere garennam in boscis Clemantolie et Bellimontis in quibus tota justicia est sua et etiam fundus terre ita tamen quod in vineis garennam facere non licebit de ventis diximus quod burgenses in bona pace super hoc remaneant sicut solent quia nunquam eas reddiderunt de allodiis diximus quod si quis filio suo seu filie sue vel alicui alii aliquid de censiva sua dederit vel vendiderit unusquisque reddet capitali domino de censu secundum quod tenebit de censiva burgenses autem remanebunt in sesina sua de alodiis suis salvo jure domini quia si dominus probare potuerit prout debuerit secundum usus patrie quod allodia illa extracta fuerint de censiva sua prava ratione illa ei quitta remanebunt et hoc erit ei emendatum de justicia diximus quod quicquid juris Beatus Martinus habet in villa Chableiensi illud totum habent in eadem villa capitulum et prepositus ideoque diximus quod homines illi qui se cognoscunt homines Beati Martini et per eum se advocant de quibus capitulum et prepositus habent sanguinem letum et manummortuam tenentur justiciare se per prepositum de corporibus suis de rebus mobilibus et teneuris quas tenent ab eisdem sicut hominem capituli et prepositi de vendicione teneurarum diximus quod si quis vendiderit teneuram suam quam tenet ab ecclesia Beati Martini ad censum et aliquis de genere suo eam per jus habere non possit capitulum et prepositus eam habere poterunt pro tanto quanto vendetur alieno de decima diximus quod homines Chableiarum reddant rectam decimam suam de vino suo et blado ita quod de singulis bladis in singulis campis et ostendant servientibus capituli et prepositi vinum suum de decimatione capituli et prepositi et si prepositus aliquod suspectum habuerit quod eam juste non reddiderit ab eodem habere poterit juramentum quod eam bene reddiderit vel reddet et quod totum vinum de decimatione illa ostendit servientibus capituli et prepositi quod si jurare vel decimam recte reddere noluerit prepositus capiet vel capere faciet de rebus illius pro decima sua in cellario suo vel alibi in sua justicia de sacramento fide et levata communiter factis diximus quod hec omnia cassa et irrita habeantur et penitus remaneant quia hec vel eis similia non possunt vel debent sine assensu domini et si deinceps talia fecerent emendare domino tenerentur de fide autem quem mulieres Chableienses fecerunt communiter pro tortellis diximus quod penitus remaneat et cassa similiter habeatur Quod ut ratum sit presentes litteras fecimus sigillari Actum apud Melodunum anno Domini millesimo CCXIX mense decembri