Charter Document - 02360741

Je Erarz de Valeri chevalier de Seint Valérien sires et je Marguerite sa fenne feisons asavoir à touz ceals qui verront ces présentes letres que nos avons voulu otroié et loé et quité à toujourz de nostre bone volanté à pardurableté à l'abé et au covent de Seint Remi de Sanz VIII s de parisis de menu cens qui siéent ou bourc de Yone an la rue de Queignon et ailleurs Lesques cens messires Deimberz dou Buignon chevaliers tenoit de nos et avoit vendu si com il requenut aus devantz diz abé et au covant Et prometons que nos ceste vente à perpétuité des heures an avant nous et noz oirs garentirons et deffendrons anvers touz an mein morte de droite garentie comme chief sires Et por que ce soit ferme chose et estable nos avons confermé ces présentes letres par lou garnissemant de noz seals Ce fut feit an l'an de l'Incarnacion MCCLVIII ou mois de avril