Charter Document - 02360737

Ego Guydo comes Nivernensis et Forensis et ego Malthidis ejus uxor comitissa notum facimus universis presentes litteras inspecturis quod nos et dilecti fideles nostri Galtherius de Jovignyaco Odo de Castillone Hugo de Ulmo Hugo de Castillone Arnulphus et Guillelmus de Tiengis Reymondus de Marchia Johannes de Salliniagio Hiterius et Hugo de Franeyo Hugo de Varigniaco domina de Guerchia relicta domini de Barris antecessorum nostrorum vestigiis inherentes unanimiter instituimus et instituendo precipimus quod quis nulla interveniente occasione de cetero in agro agricolam boves equos arantes seu alia animalia vel instrumenta agriculture necessaria in vinea operantem in prato sartorem vel instrumenta eisdem officiis deputata seu ovilia per violenciam capiat vel ipsum agricolam ad agros colendum operatorem vinee cultorem vinee sartorem ad pratum serendum pastores ad ovile incedentes sive inde recedentes capere de cetero vel spoliare presumat Quilibet vestrum in forefacto suo capere poterit quodlibet animal sed ipsum reddere tenebitur cum ei fuerit requisitum Ille tamen cujus erit animal captum non tenebitur in aliquo nisi de emenda consueta et de dampno illato ab animali Instituimus etiam nos et dicti fideles nostri ac instituendo precipimus ut omnes mulieres terrarum nostrarum que libere non sunt condicionis de cetero tanquam libere nubere valeant hominibus quorumlibet dominorum illorum videlicet dominorum tantummodo qui consimilem libertatem sub testimonio litterarum suarum patentium sigillo suo proprio vel sigillo autentiquo sigillatarum concesserint mulieribus terre sue Propter concessionem vero hujusmodi libertatis hereditates quas dicte mulieres habent vel habere debebant nobis et heredibus nostris nos et dicti fideles nostri in perpetuum reservamus Addidimus etiam in predicta constitucione nos et fideles nostri ne quis aliqua occasione vel malignitate de cetero in Nivernensi Authissiodorensi Tornodorensi comitatibus et infra terminos dictorum comitatuum audeat vel presumat de cetero domum dirruere vel incendium perpetrare Omnes tamen fortesie ab hac constitutione exipiuntur Si quis vero quod absit de cetero incendium perpetraverit vel domum diruerit de restituendo damno injuriam passo a principe terre monitus remissus fuerit et illud damnum infra quadraginta dies post monitionem sibi factam non restituerit extunc debet comitatibus predictis et earumdem terminis forbanniri et domini sui omnia feuda que ab ipsis tenentur sive meffacere assenabunt et ipsa feuda tantum tenebunt in manibus suis donec de dampnis illatis satisfecerit competenter Sciendum est etiam quod foribannitus a foribanno revocari non poterit nisi per voluntatem illius qui damnum reciperit et assensum [] siquidem premissas laudabiles institutiones voluimus et precipimus et dicti fideles nostri per omnes terras inviolabiliter observari et ipsas juramus observare promittentes nos et fideles nostri juramento prestito corporali quod nos infra terras nostras et terminos dictorum comitatuum persequimur et persequi faciemus illum vel illos qui aliquo premissas constituciones violaverint donec illud in quo deliquerint ab ipsis condigne fuerit emendatum Ut autem omnia premissa robur perpetue firmitatis obtineant nos et dicti fideles nostri presentibus litteris sigilla nostra duximus apponenda in testimonium veritatis Guillelmus vero de Thiengis quia sigillum non habebat sigillum abbatis Bellevalis presentibus apponi feci Actum anno Domini millesimo ducentesimo XXV aprilis mense