Charter Document - 02360736

Ego Theobaldus Campanie et Brie comes Palatinus notum facio universis presentes litteras inspecturis quod cum esset contentio de faciendo judicium qualiter liberi masculi castellanorum et baronum meorum deberent partiri inter se videlicet quantum primogenitus debeat capere contra post genitum ego de assensu et consilio baronum et castellanorum meorum scilicet reverendi patris M episcopi Belvacens et charissimi mei et fidelis Henrici comitis Barri Ducis et dilectorum et fidelium meorum G comitis Sancti Pauli Johannis comitis Carnotens comitis Rosciaci comitis Wandimontis Simonis de Joinvilla Erardi de Brena Simonis de Castvroill Hugonis de Sancto Paulo G de Gangionis Rivo G de Triangulo R de Nogento Anselli de Possessa Guidonis de Arceiis Thome de Cociaco Nicolai de Rumeliaco G de Ardilleriis Eustachii de Conflans Castellani Vitriaci R de Dampetra Syi de Saxofonte G de Sailly Jacobi de Chacenaio Philippi de Planceio M de Pugiaco G de Planceio C de Capis G de Risnello R de Milliaco E de Alneto vicedomini Cathal et aliorum baronum meorum quorum sigilla sunt apposita presenti carte stabili quod primogenitus filius capiet contra omnes fratres suos post genitos licet non haberent inter se nisi solum castellum primogenitus haberet illud castellum et feoda illius castelli et carrucagia prata et vineas aquas et stanna que sunt infra parrochiatus illius castelli redditus et exitus illius castelli erunt appreciati cum alia terra et in omnibus illis habebit unus quantum habebit alius tali modo quod pars primogeniti assignetur ei in reditibus et exitibus qui erunt in castello et si aliquis fratrum haberet aliquid in castello illud esset de justitia fratris sui primogeniti et si haberent inter se domum fortem secundo natus haberet eam cum omni eventagio de feodis carrucagiis pratis vineis aquis stannis que essent infra parrochiatus ville in qua esset domus illa Et si haberent plures fortericias dividerentur secundum factum castellorum sicut inferius est notatum Si vero contingeret quod haberent duo castella vel tria et non essent nisi duo fratres primogenitus caperet quod mallet castellum et postgenitus caperet postea castellum quod melius amaret Et quisque eorum haberet feoda illius quod sibi retineret et haberet carrucagia et vineas prata et aquas et stanna que essent infra parrochiatus castelli illius et postea primogenitus caperet totum castellum et feoda illius castelli et carrucagia prata vineas aquas et stanna que sunt infra parrochiatus illius castelli redditus et exitus et proventus illorum castellorum et castellaniarum erunt appreciati et de hoc quod valebunt quisque eorum habebit medietatem tali modo quod quisque capiet partem suam in castello quod sibi capiet et in castellaria ipsius castelli si pars sua valeat tantum et si ille qui habebit peius castellum et peiorem castellariam non haberet vallenciam partis sue secundum precium terre quod predictum est ille qui haberet maiorem partem et maiorem castellariam perficeret ei in terra plana et si non poterat ei perficere in terra plana perficeret ei in castellis suis salva justitia domini castelli sicut superius est notatum et si haberent inter se quatuor castella postgenitus haberet quartum castellum Et si haberent plura castella simili modo dividerentur Si vero essent plures heredes quam superius sunt dicti et plura essent castella primogenitus acciperet et caperet unum castellum ad suam voluntatem et postgenitus alius castellum quod melius amaret et similiter semper dividerentur videlicet quod primogenitus primo caperet ad suam voluntatem et ita quisque eorum haberet in suo castello suum eventagium castelli sicut superius est expressum et redditus et proventus essent appreciati sicut est prenotatum Si vero tot essent heredes quod quisque non posset habere castellum ille qui non posset habere castellum haberet partem suam in terra plana sicut predictum est Siquidem sciendum quod stabilimentum istud factum est de omnibus castellis qui movent de me et ab hac die qua factum est in antea firmiter permanebit et partitiones que facte fuerunt usque ad diem qua presentes confecte fuerunt litere stabiles erunt et durabunt Quod ut notum permaneat et firmum teneatur ego et barones presentes literas sigillorum nostrorum munimine fecimus roborari Actum anno Gratie millesimo ducentesimo vigesimo quarto in festo Natalis Domini mense decembri