Charter Document - 02360734

Willelmus decanus Autissiod omnibus presentes litteras inspecturis salutem in Domino Noveritis quod cum abbatissa Beati Juliani Autiss bone memorie Eluisa concessisset defuncto Michaeli de Sancto Amatore quandam vineam sitam in territorio quod dicitur Morat dicto Michaele de medio sublato abbatissa Maltidis dictam vineam sasiri fecit Magister vero Radulphus filius dicti Michaelis dictam abbatissam Maltidim traxit in causam dicens quod dicta vinea sibi non patri suo ad vitam ab abbatissa Eluisa fuerat concessa qui magister penitus in probatione defecit Maltidis vero abbatissa ad preces bonorum virorum dictam vineam dicto magistro contulit tota vita sua possidendam tali condicione quod ipse annuatim daret decem sol ad refectionem sanctimonialium Beati Juliani et eo de medio sublato dicta vinea ad ecclesiam Beati Juliani libere reverteretur Mortuo vero dicto magistro Radulpho Matildis abbatissa dictam vineam sasivit sicut suam Bernardus vero et Elisabeth liberi sepedicti Michaelis reclamaverunt in presencia nostra dicentes quod dicta vinea concessa fuerat patri suo in perpetuum quibus diebus multis assignatis ad intentionem suam probandam penitus defecerunt Dicti vero Bernardus et Elisabeth et Maria soror eorum videntes quod ipsi nullum jus habebant in dicta vinea eam abbatisse Matildi quitaverunt Maltidis vero abbatissa adtendens servitium quod ecclesie Beati Juliani predictus Michael impenderat de mera sua liberalitate contulit sepedictam vineam Elisabeth filie dicti Michaelis ad vitam suam tali conditione quod ipsa annuatim dabit decem sol in octava Omnium Sanctorum ad refectionem sanctimonialium Beati Juliani Ea vero de medio sublata dicta vinea ad ecclesiam Beati Juliani libere revertetur Datum in vigilia Beati Martini hyemalis anno Gracie millesimo ducentesimo septimo decimo mense novembris