Charter Document - 02360730
| Charter Number: | 02360730 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1285 |
| Date type: | Internal, Papal |
| Resource Link(s): |
|
Charter:
Honorius episcopus servus servorum Dei venerabili fratri Egidio archiepiscopo et dilectis filiis capitulo Senon salutem et apostolicam benedictionem Cum a nobis petitur quod justum est et honestum tam vigor equitatis quam ordo exigit rationis ut id per sollicitudinem officii nostri ad debitum perducatur effectum exhibita siquidem nobis vestra petitio continebat quod bone memorie Guillelmus archiepiscopus Senon predecessor tuus frater archiepiscope quasdam decimas quas redemerat de manibus laicorum qui eas ab archiepiscopali sede Senon in feodum tenuerant ab antiquo quarum quidem decimarum redditus annuatim summam viginti quatuor librarum tur non excedunt vobis filii capitulum pro anniversario suo in ecclesia Senon annis singulis faciendo provida deliberatione concessit prout in patentibus litteris inde confectis ipsius Guillelmi archiepiscopi sigillo signatis plenius dicitur contineri Nos itaque vestris quas super hoc communiter porrexistis supplicationibus inclinati quod ab eodem G archiepiscopo super hoc provide factum extitit ratum et firmum habentes id auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Rome apud Sanctum Petrum idus junii pontificatus nostri anno primo