Charter Document - 02360728
| Charter Number: | 02360728 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1285 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Autiss salutem in Domino Noveritis quod in nostra presencia constitutus nobilis vir Guido de Melligniaco miles devotione pia motus pro monasterio monialium de Insulis et monialibus ejusdem monasterii et precipue pro necessitatibus Johanne filie sue monialis ejusdem monasterii relevandis dat et concedit donatione facta inter vivos pura et irrevocabili ac imperpetuum valitura monialibus dicti monasterii quatuor libras tur annui redditus ab ipsis monialibus imperpetuum habendas singulis annis et percipiendas in decem sextariis frumenti annui redditus quas idem miles habere dicitur super prepositura de Bena super furnis et super boscis dicte ville tali modo quod dicte quatuor libre singulis annis quamdiu vixerit dicta Johanna filia dictis militis in proprios usus et necessitates dicte Johanne totaliter convertentur et post decessum dicte Johanne abbatissa et conventus dicti monasterii de dictis quatuor libris suam poterunt facere voluntatem Et fiet dictis monialibus et dicte Johanne solucio dictarum quatuor librarum a dicto Guidone et ab eo causam habentibus in dictis decem sextariis frumenti in festo Purificationis Beate Marie Virginis annuatim pro quibus quatuor libris sic solvendis idem Guido dictis decem sextariis frumenti specialiter obligavit et manere vult in perpetuum obligatos [] et obligat ad solvendum et reddendum dictis monialibus vel eorum mandato quadraginta libras tur pro quatuor libris annui redditus emendis et tam in usus supradicte monialis quam in usus dicti monasterii convertendis et quantum ad hoc dictus miles jurisdictioni curie Autiss ubicumque eat aut maneat se subjecit In cujus rei testimonium presentibus litteris sigillum curie Autiss duximus apponendum Datum anno Domini MCC octogesimo quinto die martis post Ascensionem Domini