Charter Document - 02360727
| Charter Number: | 02360727 |
|---|---|
| Cartulary Title: | Cartulaire général de l'Yonne |
| Charter Language: | French |
| Charter Origin: | Religious |
| Charter Type(s): | Renunciation |
| Date: | 1285 |
| Date type: | Internal, A.D., Feast |
| Resource Link(s): |
Embedded Document |
Charter:
A touz ceaus qui verront ces présentes lettres Jehanz David et Guiz diz li Peysans prévost de la Villeneuve le Roi et Denise Bolarz prestre et chapeleins de la chapeile le Roy de la dite Villeneuve et Jehanz Ramiaus gardes dou seaul de la prévosté de la dite Villeneuve salut Saichent tuit que nous havons veues unes letres seelées dou seaul de la court l'officiaul d'Aucuerre seinnes et enterinnes en ces paroles qui se ensigant [] Liquel procureor desus dit por ceu espéciaument establi en notre présence c'est à savoir Ithiers Acriz Ogiers Put Vilains Guioz Roussiaus et Guios Grapins recognurent en droit pardevant nous par la vertu de la devant dite procuracion comme procureor et ou nom de procureors establis desdites persones contenues en ladite procuracion que comme il disoient por aus et por la communauté de la Villeneuvesus Boucheyn que il avoient lor usaige ou bois de Revisy qui appartient à l'abbé et au covent de Pontigni à cuillir à panrre et amener de leur espoine gré et sans force il recognurent et affermèrent pardevant nous ou nom d'aus et ou nom de ladite communauté de ladite ville que il n'avoient nul droit de user ou bois desus dit et se il i avoient aucun droit ou aucune action ne eussent onques heu il i ont renoncié pardevant nous comme procureor por aus et por ladite communauté dou tout au tout à perpétuité et à touz jors et ou nom de la dite procuracion des personnes desus dites et quitent et ont quité touz jorsmais audit abbé et au covent et à ladite eglise de Ponteigni por aus et por leur hoirs présens et à venir tot le droit et l'action que il poissent havoir oudit bois [] Ce fu feit et donné en l'an de grâce MCCLXXXV le mardi après la quinzeinne de Paaques ou mois d'avril
Markups
Names Markup:
A touz ceaus qui verront ces présentes lettres Jehanz David et Guiz diz li Peysans prévost de la Villeneuve le Roi et Denise Bolarz prestre et chapeleins de la chapeile le Roy de la dite Villeneuve et Jehanz Ramiaus gardes dou seaul de la prévosté de la dite Villeneuve salut Saichent tuit que nous havons veues unes letres seelées dou seaul de la court l'officiaul d'Aucuerre seinnes et enterinnes en ces paroles qui se ensigant []embed Liquel procureor desus dit por ceu espéciaument establi en notre présence c'est à savoir Ithiers Acriz Ogiers Put Vilains Guioz Roussiaus et Guios Grapins recognurent en droit pardevant nous par la vertu de la devant dite procuracion comme procureor et ou nom de procureors establis desdites persones contenues en ladite procuracion que comme il disoient por aus et por la communauté de la Villeneuvesus Boucheyn que il avoient lor usaige ou bois de Revisy qui appartient à l'abbé et au covent de Pontigni à cuillir à panrre et amener de leur espoine gré et sans force il recognurent et affermèrent pardevant nous ou nom d'aus et ou nom de ladite communauté de ladite ville que il n'avoient nul droit de user ou bois desus dit et se il i avoient aucun droit ou aucune action ne eussent onques heu il i ont renoncié pardevant nous comme procureor por aus et por ladite communauté dou tout au tout à perpétuité et à touz jors et ou nom de la dite procuracion des personnes desus dites et quitent et ont quité touz jorsmais audit abbé et au covent et à ladite eglise de Ponteigni por aus et por leur hoirs présens et à venir tot le droit et l'action que il poissent havoir oudit bois [] Ce fu feit et donné en l'an de grâce MCCLXXXV le mardi après la quinzeinne de Paaques ou mois d'avril