Charter Document - 02360723
| Charter Number: | 02360723 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1284 - 1285 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Gilo miseratione divina Senon archiepiscopus eternam in Domino salutem Notum facimus quod illustrissimus princeps Philippus regis Francorum primogenitus Deo gratia rex Navarre Campanie et Brie comes palatinus de rebus quas ratione illustris domine Johanne heredis Campanie consortis ejusdem tenere debet in feodum ab archiepiscopo Senon homagium nobis fecit hoc adjecto tenore quod si contingat eumdem ad successionem regni Francie venire evanescet homagium et nullius firmitatis existet Ita tamen quod nobis vel illi qui tunc erit archiepiscopus Senon dare tenetur sufficientem vassalum qui res feodales tenebit et homagium de eisdem nobis vel successoribus nostris faciet vel componere nobiscum aut cum successoribus nostris amicabiliter de predictis In cujus rei testimonium presentibus litteris sigillum nostrum duximus apponendum Datum Parisius anno Domini millesimo CC octogesimo quarto die lune post Letare Jherusalem