Charter Document - 02360718
| Charter Number: | 02360718 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Discharge |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis curie Senon et curie archidiaconalis Senon officiales salutem in Domino Notum facimus quod coram nobis constituti vener viri magistri Girardus de Monte Collonis decanus ecclesie Senon et Stephanus de Gyemmo archidiaconus Vastinensis in ecclesia Senon executores testamenti seu ultime voluntatis bone memorie Petri de Charniaco quondam archiepiscopi Senon per juramenta sua coram nobis asseruerunt quod cum dudum archiepiscopus memoratus mentis compos in testamento suo diu antequam decederet voluisset quod de bonis suis mobilibus emerentur per manus executorum suorum centum librate terre vel circiter annui redditus mortificati annuatim in perpetuum die anniversarii sui pauperibus erogandi scilicet pauperibus Senon triginta libre pauperibus de Briennone viginti libre pauperibus de Sancto Juliano de Saltu et pauperibus de Capella domini Senon super Yonam XX libre pauperibus de Nailliaco X libre pauperibus de Villanova archiepiscopi X libre et pauperibus de Villagardana centum solidi turonenses Tandem memoratus Petrus archiepiscopus in extremis laborans compos mentis sue in presentia executorum suorum predictorum suum primum mutando propositum premissa specialiter revocando in modum testamenti seu ultime voluntatis voluit et precepit quod predicte centum librate terre vel ibi circa annui redditus emerentur de bonis suis et quod hujusmodi centum librate terre essent futurorum Senon pontificum ad defensionem jurium archiepiscopatus Senon contra exemptos asseruerunt et coram nobis memorati executores quod ipsi de dictis bonis memorati episcopi de voluntate et assensu reverendi patris ac domini Gilonis Dei gratia Senon archiepiscopi emerant a nobili muliere Johanna de Villathierici domina de Mussiaco tertiam partem quam ipsa domina habebat in vicecomitatu Senon et in omnibus reditibus justitia dominio commodis et emolumentis feodis retrofeodis et rebus aliis quibuscumque ad dictam tertiam partem dicti vicecomitatus pertinentibus moventem de feodo dicti domini archiepiscopi Senon absque medio Quequidem tertia pars sicut dicebant dicti executores valet et valere potest annui redditus centum libras turon vel ibi circa cujusmodi tertiam partem dicti vicecomitatus emptam ut dictum est cum omnibus juribus et pertinentiis ejusdem secundum quod memoratus archiepiscopus in ultima voluntate sua voluerat et preceperat ipsi executores satagentes ut dicebant pro viribus ultimam voluntatem dicti defuncti totaliter adimplere predicto reverendo patri domino Giloni Senon archiepiscopo pro se et pro successoribus suis pontificibus Senon ex nunc totaliter assignaverunt et voluerunt in perpetuum totaliter assignari reditibus ejusdem tertie partis ad deffensionem jurium archiepiscopatus Senon contra exemptos hujusmodi convertendas Asseruerunt etiam predicti executores quod prefatus defunctus Petrus archiepiscopus voluit et precepit quod si aliquid esset residuum de bonis suis mobilibus prius adimpleta voluntate dicti defuncti per dictos ejus executores quod idem residuum domino Senon archiepiscopo traderetur ad defensionem jurium Senon archiepiscopatus contra exemptos prout prius est expressum Et quod illud residuum predictum dicti executores assignaverunt et tradiderunt predicto reverendo patri Giloni archiepiscopo Senon In quorum omnium testimonium nos officiales sigilla curiarum nostrarum una cum sigillis dictorum executorum ad petitionem eorumdem presentibus litteris duximus apponenda Datum die dominica post Nativitatem Beati Johannis Baptiste anno Domini MCC octogesimo tertio